又有野估啦～

去到淺水灣，行經相入面嘅海邊石路  
地下有個膠袋，兩個著住清潔制服嘅男人行埋去，跟住。。。。。。  
佢地會做乜呢？聽日開估

本週廢相﹣代言人？

旅遊車上面嘅車身廣告。。。 一個品牌一種產品就話有代言人啫，一座山都有代言人？

 真係乜人都有，呢隻叫做認屎認屁

陪細佬去睇樓

上星期，見有人嚟睇樓至知，我隔離又搬左啦。。。

同老豆講起，佢即話：相連單位，升值潛力高D喎；

我都即答：我供唔起喎

老豆：無人要你供，我自己睇咋嘛。。。仲即晚聯絡地產經紀，翌日即睇樓。。。

睇完，景又差過我果邊，又無咁實用，我覺得好貴囉，經紀話：你個單位而家仲貴呀，你賣唔賣吖？即有客即賣呀～

哇！乜世界呀～

另外亦發覺，單位與單位幅牆係主力牆，打唔通架；

問老豆仲有無興趣，我建議佢問下細佬，因為佢住得遠，返工時間長又晚晚勁OT，問下佢會唔會搬返出嚟西區

點知佢真係有興趣喎

咁，噚日又搵果個經紀啦，佢竟然話，我隔離個業主改變主意，唔賣啦

佢當然搵其他盤啦，約左今日下晝，我地一家又去睇樓啦

見佢約埋第二間個經紀（X原地產）一齊嚟，原來成個屋苑得三個盤咋喎。。。

得一個單位較合眼緣，細佬老婆問佢房與房可唔可以打通呀？

經紀：得架，兩間變一間，有埋廁所，變套房囉，好多客都咁做

細佬：咁廳同房呢幅呢？

經紀：呢幅就唔得啦

細佬：厨房呢？

經紀：都唔得，做唔到open kitchen架

我：咁廁所呢幅呢？

經紀：mmmmm...............

（佢唔識答喎，無人問過呢個問題呀）

我：啊！諗下會唔會變open toilet啫

(估唔到呢篇會爛gag結尾喱～～）

END

跟進三月時寫嘅一篇blog

三月時，寫過一篇“小可憐”。。。





當時小貓B有貓瘟，但有店舖養，唔知點出手救佢；

件事今日寫返出嚟。。。 當時搵左義工師奶幫手，但都埋唔到身；

佢教我搵愛護動物協會幫手，原來佢地有個部門會跟進一D“被虐”嘅動物。。。 

但我覺得人地唔算虐貓喎，最後都厚住面皮打電話去問問，講左情況佢地聽，強調人地唔係虐貓，但有無辦法幫到隻貓B？

記得佢係咁答嘅：原來早兩日已經收到另一個電話講呢個case，佢地已經跟進緊，佢地嘅職員隔日帶埋藥去比貓B，仲教埋貓主點餵藥；

又話：好彩救得及時，因為貓B貓瘟太耐對眼會盲架；所以見到呢D case放心打電話去，因為佢地目的唔係要告人，係救果隻動物；

咦！我對呢個會加左分喎~~

 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

 咁點解隔咁多個月先跟進寫續集呢？

 因為今日經過，見到。。。

精精神神健健康康啦～
職員見我影相，話佢係大明星呀，日日都有人嚟同佢影相，影影下又有師奶嚟抱佢玩


見佢眼仔睩睩，即係對眼無事啦～  
原來佢仲多左隻伴㖭，又係細成咁嘅，呢間舖喺邊樹搵嚟咁多B架，又係任摸架喎～仲有D似達仔㖭：）

好，今日報道完畢～

諷刺

早幾日落街見到通街掛哂呢D banner，只覺得設計核突，相信都用左唔少錢，點解總係做D醜醜樣樣嘅野出嚟？ 今日再見呢張banner，寫住“歡喜迎國慶”，只會覺得諷刺。。。  
相信以後每年國慶，我都會記得呢個意外 出年國慶。。。升旗？定下半旗？

800000／生化危機5之XXXXXXX

07年開始寫，咁就5年啦～


多謝～～

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

生化危機5之XXXXXXX
我無睇套戲，呢篇唔係戲評。。。 

導演“保羅安德遜”近年無乜佳作，搵來老婆“美娜祖華維茲”舊曲翻唱再拍生化危機系列；

加個強國演員“李冰冰”，諗住殺入強國市場；

點知遇上中日關系緊張，由冰冰唔肯去日本宣傳，到後來發展到大陸禁上，原因係原著遊戲來自“日本”喎

條數計錯哂，“保羅安德遜”都真係喊得一句句

呢套戲應該改名為。。。生化危機5之賠了夫人又折“冰”

完

床底寶箱之史前﹣華星中秋節廣告

長假，好得閒，執下野，見到佢，嚇一跳

原來自己做過一個咁嘅廣告，完全喺個腦消失左嘅記憶彈返出嚟

01年嘅中秋，接到通知要做一個雜誌廣告，將我做果堆CD一舖過放哂上去，要有中秋feel；個客畫面都諗埋，搵個月餅罐放CD喎

我記得我即刻要買盒月餅，即日影埋，果陣唔係數碼架，我記得我拎去沖菲林，scan埋即做野，做到呢個稿穩穩陣陣過到關已經好開心，因為根本好難做得靚。。。

我拎返個稿最有興趣嘅係，月餅罐果堆歌星全部離開左華星，咁當時華星仲有乜人呢？

請睇。。。

有鄭俊弘？乜有出過碟咩？


中秋節快樂：）