沉船式假期？

U magazine入面嘅介紹；寫果個究竟知唔知鐵達尼號係乜事架？

邊個會想要搭沉船式嘅假期呢？

寫果個唔知，編輯都睇唔到？個客見到會唔嘈？咁到出到街？

科學館﹣青蛙的故事

話說前排逢週末就落雨，咁就搵D有瓦遮頭嘅地方影下相啦，去左科學館

咁呢，地底有個玻璃缸養左D青蛙喺度，白色嘅


一對小情侶行過，滿面暗瘡嘅女仔發嬌嗔話：真架？～（見到～請加強作狀嘅語氣，扭一下聲，慳D啦baby果隻）
而隻青蛙果一刻郁左一郁
男：真係真架
女：咦～咁核突
男：佢都唔想架
女：點解佢生得咁核突架～

我心諗：我夠想問你咯～～～
﹣﹣﹣﹣﹣﹣﹣﹣﹣﹣﹣﹣﹣﹣
同場加影，睇下影左乜

LYUBA。。。中文點釋架？”尿吧“？酒吧D friend?


蘑菇雲。。。最鍾意呢個game，肥仔又交戲，張張表情都好掂；我都玩左好多野


滴滴仔。。。今日最鍾意嘅一張


天國的階梯。。。好少地方可以高抄落去影到咁長嘅電梯呀


講數。。。有野就三口淥麵講清楚


光纖


O咀


遺棄。。。的聲音又響起了


肥仔


六叔。。。六個大叔

科學怪人畢業相

話說當日科學館免費，我未去過，入去玩啦喂～

見到有人影畢業相，又係攞住隻毛公仔，究竟毛公仔幾時開始同畢業相掛左勾架呢？加埋入科學館影，大家認為夠唔夠怪先？

如果你答案係“唔夠”，請繼續睇


轉頭又見番佢地。。。。我覺得係最有創意兼最唔老黎嘅畢業相囉

C＋展覽

話說我一星期睇左幾個展覽喎。。。

睇下，我睇嘅展覽好剌激思維架

人間C味？。。。掩鼻走，快


C前飲食？。。。重口味，好重口味


C前環境？。。。我想住嘅地方


鬥快射爆馬桶？


香港展覽多元化，適合一家大細欣賞

問你死未？

有睇隔離台（fun)都知，佢又忙緊今年嘅世界小姐啦；

今日，我就幫澳門佳麗影左輯相啦；

我：咦！漏低野喎！
達：好重呀，咩嚟架？


我：達仔，你想去選世界貓貓呀？
達：得咩？


我：你照下鏡啦，咁嘅貓樣
達：超～


我：問你死未？
達：死左

我去元氣食壽司

好奇咩，我都食壽司架

上晝，專心做野，原來當人非常非常專心嘅時候，做野係可以超速嘅，可以做嘅job清哂，send哂比客，等佢地覆；

下晝，見兩個客，非常順利，再接多兩單，同自己講，多D嚟密D手

晚飯，約左朋友食飯，食乜？元氣

當然有食最愛嘅腐皮同天婦羅蝦，仲有等極都無，要專登order嘅玉子；基本上大部份黃色碟嘅我都食到嘅


呢碟係季節限定，只知咪又係炸蝦加沙律醬加塊菜再加pat辣醬，我啱食


呢碟都叫OK，雖然蟹柳都腥腥地


每次都會食波士頓卷，但要剔左果堆核突嘢（三文魚）出嚟，牛油果加青瓜，好味


仲有呢，次次去都有蛋糕喺輸送帶轉嚟轉去，但無乜人攞架喎，有無人食過呢？好唔好食架？

仲有仲有，唔好諗住約我去元氣食壽司跟住平均除番開比錢呀，蝕死我呀

今日

瞓得唔好，起身開工，心情當然麻麻，叫自己盡量做野唔去諗

結果，一日之間差唔多清哂手頭上嘅job，晏盡三點先醒起未食野，落街食飯；

食緊飯，廣告公司個客打嚟，六月又再出動幫某金舖做VM野，一卜15朝，問我有無期，諗都無諗做答有，全部殺哂。。。我情願開工

黃昏，隔離台嘅阿豆嚟探達仔，傾下講下食下飯又一日，準備瞓覺

聽日兩個會，要打仗，今晚要瞓好D