恥

今晚搭巴士968由元朗出上環，上車時接近滿座，我坐左喺下層最後位置；

下一站，有個”賓姐“攞住一個巨袋坐喺我對面，佢將個袋放上隔離座位時個袋掂到我，佢即講sorry，我笑住答it's Okay；

再一站，一對父子上車，後排剩番兩個散座，個老豆叫個仔坐低之餘，問都唔問一手拎起”賓姐“個袋，自己坐落去；（當然，賓姐個袋霸個位係唔啱，但問都唔問就攞人個袋落地又實在過份D喎）

又再一站，一個頭髮白哂瘦弱阿婆上車，前排幾行居然完全無人讓座，我起身讓座，當時啱啱開車，見阿婆企都企唔隱，要扶住佢，而阿婆亦話：唔該呀，但係我腳痛行唔到埋去；跟住佢同前排一個賓／印姐講：姐姐，你坐後要吖，我埋唔去，比我坐呢度吖，賓／印姐起身讓位，我叫佢坐後排，佢笑住話唔駛叫我坐，而同一時間，企喺阿婆後面嘅師奶用心急嘅眼神兼已經攝埋嚟想坐最後面個位，我當然坐番埋去啦，但。。。

原來頭先我行出去期間，果個老豆已經即叫個仔坐左我個位，即係比個倒頭位阿婆座，有個巨袋嘅賓姐望住我苦笑住咁搖頭，我再睇下個老豆個樣，好醜樣，真係好醜樣，我絕對相信相由心生囉

再睇下前排有D乜野人，有老人家，有賓／印姐，有師奶，仲有兩個廿零歲港女喎，一個瞓左(可能係扮嘅），一個講電話未停過口唔講野會死果隻。。。。對住呢班唔讓位仲想搶你位嘅人，我真係覺得你地羞恥！

而家D香港人乜事呀？學校／家長無教要讓位比長者，大肚婆架咩？

阿媽都話：而家D後生唔好話要佢地讓位，佢唔同你地搶過已經好啦～

其實睇我blog嘅你地會唔會讓位架？有讓嘅唔該留個言話我聽，如果呢篇無留言嘅，就大劑啦～

常滿 ﹣ 家中的一角

講嘅唔係米缸，噢！都唔係馬桶，新正頭唔講呢D架，講嘅係我筆桶。。。


唔計水筆，螢光，油性marker等，剩係計原子筆竟然都有18枝，難怪筆桶滿瀉


而18枝入面，一半都係免費嘅；去旅行酒店房果枝原子筆，通常我都攞走，好似上次去台北喜瑞，我就拎左兩枝啦～


呢枝布吉laguna，應該都用左7-8年，當時都未海潚


日本嘅東橫又有兩枝


N年前嘅台灣一樂園又有一枝


早排過澳門做野，等船時比旅遊局抽中做調查，事後送贈嘅紀念品


去bannershop門市，見原子筆任攞，我又攞左一枝，仲幾好寫㖭～


舊年抽中去太空館睇霍金，呢枝係入場紀念品，好睇唔好用


最高境界，呢枝唔知幾時攞，都唔知“任我行”係乜？


繼洗面膏之後，原子筆又犯同樣嘅錯，要揀兩枝出嚟重點用先得啦，見到免費任攞都要忍手呀～

你地有無數過擁有幾多枝筆呢？

快獸兔女郎迎新春

欲罷不能，今日快獸再展示多4個兔女郎造型

無上裝兔女郎


森巴兔女郎


三點不露兔女郎


Miss hong kong兔女郎



金裝版完。。。唔想再食金莎

快獸新春賀年時裝專輯

快獸為左同大家拜年，為賀年新裝費索思量，新年最緊要喜慶，所以佢揀左金色，以下咁多個造型，你覺得邊個最靚呢？

1/波斯王子look


2/天線cyber look


3/金牛look


4/僧侶look


5/摩囉差look


6/象鼻look


7/華麗晚裝look


8/優雅淑女look


9/金三角look


10/迷你裙look


ps;証明今日我幾悶吖～

拜年

又一年啦，祝各位身體健康，萬事如意，大吉大利，青春常駐，賭運亨通，心想事成，學業進步，步步高升，龍馬精神，順風順水，笑口常開，出入平安，夫妻和順，如魚得水。。。

多謝

虎年最後一日，終於去到280000啦，多謝!

徵X？

落街買餸，樓下整路，個路牌嘅背面貼住一張咁嘅物體。。。。


爛爛溶溶，徵乜呢？怕且講埋喪偶又健康嘅，應該都係徵婚啦；有點殘疾均可都寫埋出嚟，再睇下，咁“靚仔”，用QQ，個電話仲要係內地嘅，徵婚徵到嚟香港，有興趣仲要人打長途電話比佢，儍架？