贏一趟澳門之旅﹣day1

十一月的時候，準備出發去北海道前，收到通知，由電影公司主辦嘅畫畫比賽得左，贏一趟澳門之旅，獎品包括雙人船飛，酒店及戲票。。。

但，時間撞正日本之旅果個星期，加上工作繁忙，最後，只可揀早過日本旅程幾日出發，夾硬攝時間去。。。

今次叻呀，雖然酒店係東望洋酒店，唔係大酒店無接駁車，但我地搭巴士。。。

舊式酒店，另一種味道，夠寧靜，個view唔錯

跟住出動去食野。。。下環街市；繼續搭巴士，太肚餓，未行到街市見呢間南洋粿條排隊（兩三個人），試下先，味道都唔錯嘅，但老闆娘好惡，完全唔想做咁款

而家澳門嘅價錢拍住香港啦

到街市嘅熟食市場，紅豆餅，香蕉形雞蛋仔，狗仔粉，最得係豬扒飽

但係最掂十分粒星係呢杯奶茶，$8.5咋，加埋份西多，好味到不得了

再搭巴士去大三巴，中途又隊多杯椰子雪糕

夜遊大三巴，瘋堂，白鴿巢公園，就返酒店啦；但夜晚越瞓越凍，明明較高兩度都係凍，原來個冷氣set死架，襟都係嘥氣架

明天繼續，要趕喺2013寫完呀