爆炸聲。。。

之前寫過一次，屋企夜晚間中會出現爆炸聲，只會得一聲，好大聲，但又無事發生。。。

因為不定時，又無鄰居報告或投訴，管理處可以做嘅又真係唔係好多

佢地查到水泵有個靈件壞左，而水泵正正喺我果層，我大門口嘅天花，以為解決啦

前晚爆一野，今朝又爆一野

佢地又安排睇水泵，但我覺得從聲音方向，應該唔係囉

但係乜？要繼續做金田一

最邪係，管理員每日巡樓，但無人聽過，倒垃圾姐姐同我幾熟嘅，佢又無聽過，好似我幻聽咁；真係好好好大聲喎，點會無人出聲架？

因為我不停投訴兼報告，叫佢地出notice，終於多左D鄰居出聲，由廿幾到三十幾樓，全部係C單位

好困擾