澳門工作之何必選中我

半夜搭4:45am過澳門，即開工 做乜？其中一個工作係插毛

我果組 9：00am完成，過隔離等其他組收工，一篤雀屎正正屙喺我頭頂，OMG

隔離組好慢（jip佢），我地決定食個早餐先 食完，佢地都未完成；

完成後，問老闆有乜安排，原來佢無安排，但之後要到6:00pm至開工喎，企街呀？

好彩我問左澳門嘅朋友，佢介紹新葡京嘅日夜咖啡室  

我地嗌下停下hea下又食下，有人仲瞓到豬咁，食左三粒鐘後，隔離女同事頂唔順，覺得太樣衰。。。  

知我有按腳資料，決定同我離隊按腳；$228﹣90分鐘，一個鐘腳一個鐘身，我瞓左至少60分鐘，其間有無按過都唔知  

按完亂行，嚟到大三巴背面，又好似未睇過呢個角度喎，跟住截的士去工廠區，出事啦，半個鐘都無車，最後福大命大趕得切裝第一間

其間門口監工時，一隻兩寸長大曱甴飛到我背脊，fing極唔走，好彩有師傅幫手打走佢。。。。過隔離個師傅度;

哈哈哈；又好野喎，門口連我5個人全部唔驚曱甴喎，但要應返標題。。。白鴿同曱甴，仲乜要揀我呢？  

最後一間12:30am至開工，又見到阿POOH，上次喺K11，原來移左民過嚟。。。D遊客又話無金賣，有本事買呢隻囉，巴閉 完