老豆的表達能力

老豆生日，佢揀左去中環交易廣場嘅白玉蘭食晚飯，呢間餐廳我未去過 

6:30pm，佢打電話嚟：喂，我地到左，你去到邊呀？識唔識嚟呀？ 

我：喺交易廣場樓下，上緊嚟，搵緊，其實喺第幾期架？

老豆：漏水果期 

我：。。。。。。。。。。。。。。。。。。。。。。。。。。。。。。。。。

當我轉左彎，見到呢個位，我終於get到佢講乜。。。

另外，上星期拎住隻swatch比佢睇，諗住演野，點知佢話：你都好多隻呢D錶喎。。。 

我：你鍾意咪攞去囉

老豆：我隻手幼呀，隻錶太大啦 

食飯時間過後，佢拎住我隻錶個紙袋（因為放喺佢隔離張吉櫈度）話：借我帶“一陣”先 

我：攞去啦

結果隻錶送左左比老豆 

咁，原來之後佢日日都帶住，今日都帶住，於是我叫家姐睇，話比佢知我贏返嚟。。。 

老豆同家姐講：錶面同你隻Rolex一樣架 

我同家姐：Rolex?。。。。。。。。。。。。。。。。。。。。。。。。。。