呢堆全部係我鄰居嚟架
呢隻係貨倉貓，賣烏冬架
呢隻住後巷嘅，好似達仔架，但係女嚟喎；佢想帶你去睇樓呀。。。睇樓揀啱貓，唔使講緣份
呢隻係舖頭貓，通街走，好多街坊同佢玩架；我幫佢改左名，佢叫小貓女；佢話想飲香檳喎
你就有香檳飲，豹媽就。。。點飲呀
豹媽係一個好model，佢有好多靚相架
呢隻係雪球媽，我捉去絕育嘅，總算有D緣，成日會去探佢
呢隻係佢個女，雪球，越大越多色，無細個咁白，靚樣但總似唔開心；但好難怪，佢當時差D可以入屋架
都係雪球，佢係達仔以外唯一喺我屋企過夜嘅貓，梗係落多兩錢力幫佢影靚相啦
呢隻似精神失常嘅，又係住後巷嘅，果條街D貓個樣無隻善良架
睇下，佢隔離果隻，又係惡樣
呢隻見親我都係怒啤
大家有無留意你地周圍有無貓呢？鄰居嚟架，多D包容啦：）
.JPG)
8 意見:
你有寫雪球喺你屋企過夜呵？
你邊一篇呀？
點解最後上唔到樓？
大頭：
舊年阿姐捉雪球兩母女，初頭諗住阿媽放返原居地，雪球就搵左個人教乖左再比人養。。。
第一晚淨係捉到雪球，阿姐想用佢做餌捉埋阿媽，於是放佢喺我屋企過一晚，第二晚再捉。。。
第二晚，隔離餐廳女侍應話唔好拆散佢地啦，佢肯每日照顧佢地兩母女，我反對架，餐廳會搬會執架嘛，趁隻細有得入屋就比個機會佢啦。。。
阿姐十五十分六之際，雪球媽徘徊左成粒鐘點都唔入籠，阿姐講左句：你入去啦，你入去我比返個女你。。。
佢真係即入，所以雪球咪繼續喺街囉
結果侍應阿姐家下有無照顧佢地呢?!
TY:果條街幾間餐館D廚同侍應都好錫佢地，侍應阿姐就唔多見
我屋企山邊來不來都有貓叫...有時係成年貓打架聲...
有時係BB貓喵喵喵...
不過之前好似有漁署D人去捉..
貓叫都少左...
><
呢隻似精神失常嘅，又係住後巷嘅，果條街D貓個樣無隻善良架------>大叔咪歧視人地啦！個樣惡就話人地精神失常，你咁惡，我都無歧視你啦！呵呵呵！
你唔講都唔知街邊有咁多貓!
Chiseenjai：係架，所以要帶街貓絶肓，漁署捉到要還比義工，唔係就無命架啦
Cat：嗚，蝦人
Ebenezer：留意下就見到架啦
Post a Comment