怪人系列之。。。。怪客4

前言：怪客，即係我嘅客，喺我心目中佢係一個正宗港女，同佢合作，心情好就笑爆咀，心情差就真係XXX。。。

上回講到，佢上嚟我屋企影相；第一次上嚟我屋企影相，亦係攝影師同佢嘅第一次見面，攝影師介紹自己時提到佢平時有接影婚禮相同新娘他粧，而我表妹結婚當日嘅相亦係佢影嘅。。。

跟住攝影師話：我表妹夫係佢影嘅咁多新郎中最靚仔嘅一個（哼！其實同我差唔多咋嘛），又係英國ABC兼專業人仕（表妹都係專業人仕，佢地係同學），個樣仲要似吳彥祖（佢話架咋），佢公司D化粧小姐個個嗒哂糖

咁怪客話想睇，佢開左一張佢地嘅結婚相佢睇。。。

怪客：哇！好靚仔呀，又係專業人仕，你表妹醒呀，快快要結婚，佢咁嘅樣，掂呀佢。。。。呢D真係港女呀

真係大佬，我表妹嚟架，其實個樣唔差架，好過佢多多聲啦，兼性格好呀，憑乜話我表妹呢？

攝影師即幫口：你幾時結婚話？