![](https://blogger.googleusercontent.com/img/b/R29vZ2xl/AVvXsEgfz5JWMAndz0kYUltmiML962LBFz4-PLq5gQSdvyr38SwcyunZl4crDeuCEghaD45-qjmmnNTAKY98iD_iumphheKC0PXFTkdI227pf1hnvCph8JmntROAEoqL8gYU2gpX97AJiCr6xyL2/s1600/aP1550403.jpg)
好多年無入嚟,原來呢度幾台灣架喎,行去石澳後灘嘅路,仲保留住小鎮風味
![](https://blogger.googleusercontent.com/img/b/R29vZ2xl/AVvXsEiTBtlbe3UZUDgefMdXPmjglPSgT5mGnvb_3HKzdmW3vrBiiJezMMcVtYrcVCdtuA3h5aynG31vo3bmT_zG3BtdwEdA-HLpeXPqxn-R-6UfUSN1IGwxYXs8O1b7YeJKwk3-qTnFvP5T7s3i/s1600/aP1550028.jpg)
好快就行到石灘,見到充滿回憶嘅藍橋啦;其實除左呢度有海角七號feel,呢條橋你坐幾個蛋散上去,都有那些年嘅感覺呀
![](https://blogger.googleusercontent.com/img/b/R29vZ2xl/AVvXsEg_EYbwtHNilbFUWrlVIZ48bLWJ_tOLGHqOXv5KcWJzFYDHi63TlaORHWp_EnqTMC7rwZHSRy9g3zqYg-whXjjSbZwqHgrISR8b5-2wM6aR4gLF7Gx0FE_XGR9LX6xz6kUjSY1MLcfG4ni6/s1600/aP1550335.jpg)
原來石澳星期六遊人唔算多,但好多人都會喺橋上影下相,影乜?
![](https://blogger.googleusercontent.com/img/b/R29vZ2xl/AVvXsEjhNyLuTwTRS5yd_NtaE2HFlX_nsE43hkz9yRpK3vjRVdfzPYrZIdflYNDNQd7bb8Z-GHS8xWM-2tKD3kFruBc2o1wUla3LNiniPMzhiqm-xTHte3KnbFCI3yZCSbkHAgQrUQhrmG8v5Zyt/s1600/aP1550327.jpg)
影浪;真係好大浪;果日係月蝕,有無關係呢?
你以為企果度好安全,以為隔好遠,個浪真係會發神經咁冚過嚟架,欺山莫欺水呀;睇下,呢個浪有幾尺高呢你話
一場嚟到,梗係行埋上山啦,唔高,好易行?原來勁大風,真係吹得你郁,唔係有欄杆,相信呢篇blog唔使寫啦!
行到盡頭可以觀賞一望無際嘅海,仲有個燈塔喺海中心,但果日無帶長鏡,所以只可以離遠影一張啦
![](https://blogger.googleusercontent.com/img/b/R29vZ2xl/AVvXsEg-9OI9Jzj_VENQTAtw7SJNpkWMncTNA7UNwmCqaD6_lLkv8uAUXvUin_rvAtkD2fWEbTNidBfFRFpR4nKeDhMsHt0AcArm-bf84GuIsaNz_jS_69np9SvBFp_ORqqOYt_zQJogbNKRl6hG/s1600/a11.jpg)
從山頂望向藍橋小沙洲果邊,有個奇怪現象。。。
左邊嘅海浪由左邊嚟,右邊嘅又右邊嚟,兩邊都好大浪,究竟吹乜風呢?
![](https://blogger.googleusercontent.com/img/b/R29vZ2xl/AVvXsEhiQvzUFMEsyntswwV-esRTI4WQJjg-B_3QDeuskoBvMWlrVVZIiZTQLHSDjBXlYHVzxqaibVh-P1IOUb8R-Rafw6PiKDn-W__QE9KoTh6vmqoGdEyNaLuikcOKnokrP2Hr7pu4bgG01fig/s1600/aaUntitled_Panorama1.jpg)
另外,個牌叫你唔好攀爬喎,咁我係咁易企高D睇下啦,hehe,有乜睇呢?
![](https://blogger.googleusercontent.com/img/b/R29vZ2xl/AVvXsEgryJ0VIbypgM-4GrUFSey6bojPql5U-B7fmsFyorR9kI_DNYFI8GKmgjyMwLEKgvTwKmLVxQ00J8GGOO2JV6Wo_9mM2eeavmQeMWrAh7pHFUElyl594iyKW7RSL2SU-MABqWe2Wmp6CKa1/s1600/aP1550681.jpg)
哇!兩邊都係懸崖嘅海角呀,靚呀~
![](https://blogger.googleusercontent.com/img/b/R29vZ2xl/AVvXsEjUs8uhfKY-SvMr9Fr_yAFUKxz1oh-CSAcHYPzP6Sy8kDfYCPk1FjWKbL3-v2QSoDXKUXzTsYJwO4xy1DX8huPsYCX60ZnUaSAC7QiS1hutgkorqsfwbUBwDoVBNhgpPHThGHIu_1RYZwXp/s1600/aUntitled_Panorama1.jpg)
黃昏番嚟再睇下浪,依然強勁
未完,寫極都唔完。。。。。預告:遊人嚟石澳,會做乜野呢?
9 意見:
果個懸崖無記攞嚟拍古裝劇
男主角墮崖不死
睇落好似去左離島咁~
卡臣:
果度墮崖都真係死得
攞你命三千:
都幾似架,遠離市區嘅感覺
係呢篇覆,直頭上出去度盡頭果度影/睇日出,超級無敵正東(有冇寶麗金?夠唔夠爛?)
呢度我去幾次都大浪~不過似乎你去時重大浪
藍橋都幾多影人結婚相呀,另外個石灘都係~
另外有冇影下d唔同顏色石屋?
我估你下篇會影下d人去石澳做d奇怪野囉~
都真係好大浪喎!
其實去咁多次石澳, 我都係去正灘果邊BBQ, 無一次係行過黎石橋!!因為唔識行!
以前我間中都有入下石激退修,在山仔路入面有間小教堂,都好好feel架。
http://ebenezer-ebenezer.blogspot.com/2006/12/blog-post_116600557693002768.html
香港也有很多美好的景點,
但人總是覺得飯是隔離的香,
白白浪費了好地方,
少人去欣賞,
可惜!
細果時父親大人成日帶我地去石澳游水,不過我真係好多年無去過咯 ~~~
l.minor:
超級無敵正東(有冇寶麗金?夠唔夠爛?)。。。。寶麗金執Q左10年都有啦,而家叫環球呀
彩色屋無影,怪人梗係影啦,下話
Post a Comment