爆波？

近兩星期，喺屋企聽到約6次好大聲疑似爆炸聲。。。


話爆炸又好似誇左，似係爆波但大聲數倍

第一次聽到係兩星期前嘅清晨，我扎醒，第一個反係撞車？跳樓？望出街又乜事都無，繼續瞓

之後，隔幾日就聽到一次，有次係我準備瞓，約12:30am，爆聲好近，就好似樓下爆嘅咁。。。

我樓下係隔火層，從來未落過去亦唔比入去，我當時懷疑會唔會果層有機房，D機器“跳製”？

前晚，又爆，我即打去管理處，佢地話無聽到其他住戶講但會跟進。。。

噚晚，再爆，又打去，啱啱有管理員巡樓，但佢聽唔到

今日，我落管理處時，佢地同我講，有第二個單位投訴聽到巨響（咁即係唔係剩係我聽到啦）；但佢係低層


究竟係乜聲呢？驚驚地㖭

（以上呢篇係今晚九點幾寫嘅，點知十點幾又爆（連續三晚），我又打落去，管理處個大佬即上嚟我單位，好認真話幫我查，希望快D有結果啦。。。）