六月中獎名單

噚日講到其中一個攝影比賽，有D信心，但結果食白果。。。 

但原來有時，中左獎都會唔開心架，講嘅係呢個。。。東方航空春日之旅攝影比賽 

除左最多like獎（一定無份，人地幾千票架），評判獎冠軍一名係機票，亞軍三名係模型飛機（大隻），季軍都係模型飛機（細隻）；

我參加左兩張，結果，兩張都係亞軍，我又唔覺張冠軍靚囉；我得到兩大隻模型飛機，寄到上門㖭，但真係無用囉。

話時話，有無人想要呢？
 

sky100fun，天際100嘅推廣活動，共五個星期，每期得一個獎，頭三星期都入左top10，但無獎，最後一期終於攪掂，獎品係電話穀加入場券；

但send哂資料而家都無聲氣，都唔知獎品幾時至到手；BTW，我張相係右下角果張  

第三個都係攝影獎，上個月都攞過，竟然又係最多like，其實得十票。。。

獎品係“鏡頭焦點調節工具”，專業到我係無用嘅  

但原來攝影雜誌出街時，有專業攝影師品評部份相片，上期我有份。。。

 比人讚真係好開心架，呵呵～
 

咁呢，我除左影相，仲有一個強項嘅，就係畫低能畫啦，結果靠佢贏左Metropop嘅”畫出澳門好滋味“

我張係粉紅豬食豬扒包，獎品係澳門雙人來回船飛

 最後抽獎贏嘅。。。U Magazine X Marks and Spencer「銀禧多重FUN」,獲得British Isles 罐裝餅乾1罐及限量版Teacakes1包