狀態

狀態呢家野，越凍越差。。。 

噚晚瞓左七粒鐘（即係唔夠瞓），今早本來買早餐比阿媽食，點知突接電話阿姨已經煲埋粥上埋去，我變左買午飯，清job先。。。 

做完去阿媽度，食完飯，阿媽話瞓覺，叫我走先，兩點已經返到屋企，做左一陣野，突然。。。

唔掂，真係唔掂，好好好眼瞓，撻落床即瞓著，期間知道達仔鑽埋入被竇 

瞓左陣，唔知幾點，電話響，熟客打嚟，我直頭話瞓左，轉頭call佢 

終於五點，又有電話響，另一個客打嚟，要扮把精神聲同佢傾 

我諗我其實唔係瞓左，直頭係暈左兩個幾鐘囉，夜晚寫呢篇嘅時候又開始眼瞓啦，聽日唔該暖D吖，我仲有一堆野未做呀～