阿媽出院了

終於都出院啦 老家已準備好輪椅（要用多兩個月），添左沖涼椅，四腳枴杖，浴室裝左扶手。。。 

為左避開大堂嘅幾級樓梯，搵左一條最方便嘅回家通道 ，停車場入口入電梯大堂，自己行過試過度過，無問題

點知，千計萬計，計漏一樣野，廁所門雖然夠輪椅過，但略窄，地腳嘅門“杉”，原來足以令阿媽入唔到廁所。。。 （我試過坐輪椅入，我對手夠力，佢唔夠力）


明早老豆要搵相熟師傅拆走門“杉”同度廁所門，等佢出入自如

見老媽康復進展理想，返埋屋企；話唔吃力就呃你嘅，始終要顧住自己D job架嘛～佢過一關時我都過一關啦，又再鬆多一口氣啦～

 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣ 見到醫院同房病人嘅種種百態，我嘅領會又多左，真係真係要同自己講，玩多D，食好D，對人對自己都要好D

亦都要多謝麥理浩嘅物理治療師同姑娘護士，真係好好人，幫左我好多，感激～

改變左我一向覺得政府醫院護士冷漠嘅印象，好人真係靚D架~

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
預告：有機會再講我見到嘅病人種種百態