呢張相背景加水珠經陽光折射,靚到不得了
![](https://blogger.googleusercontent.com/img/b/R29vZ2xl/AVvXsEjawRLxw45s-JmMlwIgr8rfC1fnGwigduEWv75ZIDXE7QE9gwxPfVTweni545n9dWdXth1Fkp22FeExitRQFYQvPoCdwYN_bM93sH6dY6lWojley9plOIDDWov28YUk0Cq0UM46vkeaOBz5/s1600/D2-1.jpg)
同一個花園,今日靚好多~
![](https://blogger.googleusercontent.com/img/b/R29vZ2xl/AVvXsEjPGbyf-5Lisq9GInOUJ8tZiApYgKcOWq2NiFlCAmBuL2kiseqW_ShcuF5roz8M_lRco2B2mhvq1AV4GiV5lorFXKjkL5LXH-PMDKJ2mJDWzCb7Ut16sOZ3VliGCy2458O-70ajtoOGOdzV/s1600/D2-2.jpg)
出去後山行個圈,咁先至係台灣嘅“小瑞士”吖嘛;落完雨,D空氣清新到聞到草味同木味
![](https://blogger.googleusercontent.com/img/b/R29vZ2xl/AVvXsEgc0ojD0WtgLCguBaRJHGLuwIt8YWPEz964BTx5cSOu2oq4n-ZHit0R_X4rKj5x0-m2bKpe27PSrGXzt139vmwZkzda2RgJWfN9k9k2fkkq7ZYjV8oK5fJLfTQlRGzSwV4rN7DW3xYk1DsC/s1600/D2-4.jpg)
對住咁嘅環境食早餐,食乜都好食。食完早餐,就離開蕓蘆啦
![](https://blogger.googleusercontent.com/img/b/R29vZ2xl/AVvXsEh_FSgGA7iHX56lwXUm2DV1rTg1L6EVa4plF-xPdSiMfRIIcPUlxwBCtP4D7VlR6nrv7NUwn64SkDOvT3lvU9xCUvaZfkIWb_O-fxbt10Jm5l07PAGZD0jO9jHWTfS39lPMOz5CHl3DAXGW/s1600/D2-3.jpg)
老闆車我地去清境農場﹣清境嘅最大景點,個天靚成咁,點影都靚啦,但係太陽真係好猛,下次嚟真係要搽太陽油(清境農場入場費NT$80)
![](https://blogger.googleusercontent.com/img/b/R29vZ2xl/AVvXsEiSG8ZaUYj2wZ71TQN9TbXetIOjQXIMW7Iz3ihar66voApIspDwLsE4cw8u7IN8WPLOuunzUuLKw-VhlkHveOBorfpjbxCF6ISdvTU4MDszyOzQXWa3a4NLja6sT_7hCle38ZLcIV0bZvcF/s1600/D2-5.jpg)
農場本來有羊咩同你近距離接觸,但因為台灣爆發羊荳,所以無得攬啦,離遠睇下算啦!
![](https://blogger.googleusercontent.com/img/b/R29vZ2xl/AVvXsEhZ9KbpGBCEqrKP57uG4uaXp1aqvPQ0hdrJPgw0iNKPNFVWWz3D-Wb8x4U-U2w8e5uYOqI-MSHr6puAQk3StnETahRuLQfxF5ovVbWcDvzd_AVpvMoffiZAYgoDzx23twhMT59VnsiM4bgY/s1600/D2-6.jpg)
沿住步道向山下行,經個小瑞士花園,見外觀一般,突然大霧兼時間唔夠,決定唔入去;改去小商場,12:30pm,預早約好嘅接載小巴準時嚟到接我地出台中高鐵站啦(接載小巴,每日得一班,NT$300)
清境春天可以賞櫻,冬天又會落雪,值唔值得再嚟呢?
![](https://blogger.googleusercontent.com/img/b/R29vZ2xl/AVvXsEjmj_WO7q0INfpUETyaFYMgNjR41J5i_rbVekRhD4_qY4Wr0lto2U29h6uvACsa_OdxHRneYJGn-4vV1HzJ0Led1tclY-Gr93NAeYza2z16Ypbqc6NGQX2D3p-cQzAHcrc-dESpK-bFuhN2/s1600/D2-7.jpg)
台中站食過簡便mos burger,即搭高鐵往台北,全程50分鐘(高鐵NT$700)
轉的士到達喜瑞飯店,真係幾靚喎~不過3:30pm都仲要等執房又真係慢左D
![](https://blogger.googleusercontent.com/img/b/R29vZ2xl/AVvXsEjiGDkf7YgEflW3qMe3k9K8Rbn9x_pM1oNpT-Vm5-d3k8ylDJV75yuBZL5TIhIwSjx0ptCASolDVApmaaieV3nXKL-F4Vkapoa5S7X_HBC4aDxTNYLQRy-DTrVtZOJByZqGT237vHcWRDVk/s1600/D2-8.jpg)
間房算係大,呢間係商務客房(兩小床),原來張床真係小喎!(NT$3300)
![](https://blogger.googleusercontent.com/img/b/R29vZ2xl/AVvXsEieMI5ZWwESstyAKOdGsDF7c-rc5E67IKo11IB2VSPSJ3vJFvU89tae77OmmTFO6LIiFRsoh73Q5IIP9HOdaxQ37FH1vd4OESqrrDEk2oN3B0CickaBEKbR6RfFVLM-cnmDguEhMSocth9H/s1600/D2-9.jpg)
“旺味“就喺飯店附近,行去醫肚先,湯底好濃好好味,但偏肥膩(NT$240﹣長安東街2段40號)
![](https://blogger.googleusercontent.com/img/b/R29vZ2xl/AVvXsEgTDQmKg5ayTJeyvUjFcS5natgZw-ZNoP_hr8u4tR7ysLzqOmNLX1PVBZvV_dtG5wCbmNj2xh87nejv9qdgJsDg6a6EEqsUp_rCISKj2lhteG0vsLuqpD4SF1oq3Lq3ZGFHDHOn1FAy4iEx/s1600/D2-10.jpg)
行去華山文化園區,落兩啦,仲越落越大,行過圈走人;落雨,去誠品算啦!
![](https://blogger.googleusercontent.com/img/b/R29vZ2xl/AVvXsEi7yLHjxvjKqWC4yHaMVGBvYbyb_s-qeFEIVAr4BeHZSELSo4fAdvxK2Akgd8nq6nzUNrsrSX2szJvKi8aqLosJ5r9ZQ_xul6iP9qZc5f-8H1T85QIXmgUfmfOd0gpMdKuszdsCb5gYCXJM/s1600/D2-11.jpg)
到西門町,雨時大時細,食左碗出名嘅楊桃冰,我覺得難食囉!行完誠品,想搵一間幾年前食過嘅牛腩麵店舖,終於,行哂成個西門町都唔見,搭的士走人(楊桃冰NT$80)
![](https://blogger.googleusercontent.com/img/b/R29vZ2xl/AVvXsEgLy4bYez-KclTxCVwT93wnN8zLsomOHtPLBrv-8KdUsahDzyuWhqvIQSo6SFHM0-kN7DErD1IIbzym-CJbdD2u9f_POQndUllIJQViDMAzbYyLBJlIzdoq6MoMNLZGTj8MViy1yA_KHsEp/s1600/D2-12.jpg)
番到喜瑞,幫趁佢隔離嘅晴光意麵;特別推介乾麵同鹵水豆腐,好好食
![](https://blogger.googleusercontent.com/img/b/R29vZ2xl/AVvXsEj_S-bv5AnVyC7QQJmDjXLMmJ8qzzmfEnCpZnaNsQbar4liwWydgJSRSrQ4XQWg4a8SQr3tiLZKtEXcZrhyphenhyphenaJ9x3KFzNVF0BgwzvMDOb6cDis-ocVwTBFij09AIwhq9JCI51Bubk8Jk3T8G/s1600/D2-13.jpg)
食完番歸,睇完超級星期天(但係明明係星期五),瞓lu
特別名謝:
旅遊達人意粉同Ellen老師提供清境資料
為食達人largeheadboy推介旺味拉麵
第二day 完
24 意見:
Wonderful blog and photos!
第一張清到仲見到之豬 c ~
我覺得楊桃汁甜到死,菠蘿汁就假到死。
喜瑞張單人床超細
但雙人床係 queen size 架!
好得呀清境,真係要安排去一次先!
勁靚、勁靚、勁靚
俾你二佰個叻~^_^
我要去清境.....不過巧驚尿急冇廁所囉~~
Gael:
Thanks :)
largeheadboy:
係呀,清境/烏來都好多蜘蛛C,平時無咁覺,影相就見到哂
兩張單人呢隻房平好多呀
清境,值得去。。。
maymay:
清境有厠所架,方便㖭;搵唔到厠反而係台北呀!
你執的相很靚呀!
我首次看blog的遊記會如此賞心悅目
(真心的)
楊桃冰 <-- 我既至愛呀!
次次去都要食~ 香港無架~
再讚你既相~ 好靚~ (只係景,唔計人)
我好似淨係講過句「清境好值得去」咋喎 ~~~ :)
卡臣:
D相無執過喎(除左食物)
你咁讚我我會驕傲喎
Ogake:
仲要次次都去食,唉!
咁同個景比,我認輸,呵呵
supageti:
仲有一句,空氣都好D
D相同design靚到直頭有旅遊雜誌&風景寫真集水準!
btw,個banner換咗?仲有,同first version有d唔同喎。
black lab:
first version出得半個鐘你都睇到?叻
我意思指相片的拚貼
如果唔落雨,邊有咁多水珠相影,所以落雨都唔係太差。
卡臣:
噢!明哂
Tee:
落完雨有太陽就係囉!
好得呀清境 x 2
無諗過台灣都有咁正嘅地方, 映相一流, 要從新考慮吓佢啦~ ^^
ayclui:
去啦!(我好似做左清境旅遊大使)
你每次個人相都係SET TIMER?無叫人幫你影?
點解都無你全身濕晒的相?
Tat:
有人影,唔係set timer架
濕晒的相?無影咪無囉
"喜瑞飯店"!!!好熟面口吓喎,果然識貨
Rempei:
擺明抄,梗係跟足啦
想搵1次冬天看看下雪的清境!
咦~~~我住過呢種房間喎!房間都好大呀!
落雨又真係掃興DDDDDD
Ellen老師:
我見蕓蘆有張落雪相,好靚呀(但好凍啫)
第一次帶遮去旅行,第二晚覺得細雨其實都OK,影相可以影到第二個mood,但第三日,全day落狗屎,當時真係覺得掃興
清境真係好靚, 一點台味都沒有
我上次住清境那間旅館都有好多落雪相呀!
phyllis:
又真喎,之後去烏來,就非常台啦
Ellen老師:
好吸引
Post a Comment