Tuesday, January 5, 2010

裝修前...

*開頭無諗過寫blog會咁好玩,係呀,我係用玩嘅心態寫blog架咋!

*雖然篇篇都諗過先寫,不過擺明呢度唔係讀者文摘,唔駛改我錯字啦!(雖然而家自覺錯字少左,呵呵)

*寫blog先發覺原來唔識字,咁我又鍾意影相,放多D相啦,當相簿用都唔錯!

*原來可以做埋識友網站,真係多功能

*其實鍾意睇讀者回應多過寫blog,因為可以寸嘴,都係訓練轉數嘅方法

*呢排D工作都幾悶,試下郁下個blog,原來好好玩;

*年紀越大,學新野越難,左抄D右抄D,要明D code寫乜真係睇到發脾四;


不過攪掂左就好有滿足感,雖然最後都係要有朋友幫忙先攪得掂,聽日嚟睇我個新blog試業啦!peace

PS:話明”試業“,可能好多甩甩漏漏,請體諒!

16 意見:

Ogake said...

祝試業成功!!

Leo said...

巧緊張呀!

13elle said...

*寫blog先發覺原來唔識字,咁我又鍾意影相,放多D相啦,當相簿用都唔錯!

>> 非常同意 lol

浪子m: said...

期待, 希望唔好係深色backgroound啦

naruto said...

Ogake:
有D担心㖭

Leo:
我而家仲試緊

13elle:
係呀!相簿係呢個blog嘅其中一個重要function

浪子m:
sorry,底係深色,不過有兩個layers。。。

black lab said...

其他人嘅諗法我唔知,我自己就一半係職業病所以慣性一望就望得出錯字,另外一半係,覺得盡量少錯字會美觀啲。
其實我而家睇人哋嘅BLOG已經少咗出聲指正。不過我驚自己從此會習非成是。

電腦話的確好難明,我淨係識貼相同埋整table。:p

best actor said...

拭目以待﹗試業﹐即係出街test drive 一下﹐祝一帆風順﹐繼續客似雲來。

邪留丸~ said...

期待中...




始終都係鍾意"快獸"多啲
記得唔好變走佢呀~
大叔~

ayclui said...

聽日先有得睇...@@
祝試業順順利利呀~

supageti said...

你啲轉數唔駛訓練啦 ~~~ :P

naruto said...

black lab:
鍾意咪繼續改我錯字囉!會越嚟越難搵到嘅!

ps:我等緊你條banner喎,我都整好咯

best actor:
係呀!而家都試drive緊架啦!應該OK

客似雲來。。。而家已經好夠

小邪~:
點唱呀而家?定係攪個投票決定快獸嘅生死呢?

ayclui:
有幾耐呀!仲有野甩漏呀!改嚟改去都仲有野改

supageti:
讚定彈呀?

maymay said...

我要快獸~~~

supageti said...

梗係讚啦 ~~~ ^^

naruto said...

maymay:
真人版要唔要?

supageti:
你喺日本食左“誠實豆沙包”呀?咁真誠嘅?

lau2tang said...

架巴士好熟口面喎!
我係黑姬高原見過架~
個版面又真係好搶鏡喎,得閒教吓我點整吖?

卡臣 said...

新版面...讚呀!
好有個性

Related Posts Plugin for WordPress, Blogger...