Wednesday, April 11, 2012

睇醫生

3號已經喉嚨少少痛,食左成藥,狂瞓,食橙,好似好番

7號,喉嚨無事,變左有鼻水,繼續成藥,狂瞓,食橙

9號,鼻水收左,變左少少痰,出去影相明明大太陽,但頭頂竟然冰冷,唉,出事

10號起身,又變番乜事都無,但喉嚨少少痛;唔玩啦,都唔好玩嘅,雖然精神無事,都睇醫生啦

10:20am,去到診所,迫滿人,姑娘登記後,叫我11:40am再嚟,走去歎早餐,番屋企做完野再嚟

11:40am,原來都係要排,期間有個歲“令”B不停用海豚音嚟喊,而佢阿媽只係識話:乖啦,唔好喊啦,啦足半粒鐘;

12:40am...排一粒鐘至到我,醫生見面第一句竟然係(好誠懇):唔好意思,要你等咁耐。。。

3分鐘睇完,接住我入去嘅係果個唔識湊仔嘅師奶

隔左一陣,佢出嚟,抱住一隻海豚,同另一隻仔塞喺攞藥果個位度,自言自語:唔好喊啦,忍多陣啦(係咪同我地講架呢?),我都趕時間啦,走架啦;我心諗,我同我前面果個都未攞藥,你塞喺度做乜呢?

等好耐都無藥攞,明明之前嘅速度係一個睇完,上一個攞藥,點解會咁耐呢?結果。。。

姑娘“開窗“,原來整左海豚師奶D藥先呀,梗係佢話趕時間,諸如此類啦,我見到我對上果個都O咀呀,我直頭O埋鼻啦,但師奶喎,件事點會咁易完吖;佢竟然話:吓,無簽咭架,我無cash喎

good,慢慢出去襟錢啦,bye~~即刻到我上面果個,跟住我都即時有藥攞啦

番嚟食左藥,瞓左三個鐘午睡,好舒服,又好似好番哂啦

13 意見:

攞你命三千 said...

早日康復~

TY said...

咁其實醫生有無話你咩事呀?!

希望你快啲好返啦。

largeheadboy said...

呀師奶第一次落樓下睇醫生呀?

Anonymous said...

成日都發生,無論係C9定後生。。。
同佢講到明收“現金”。。。
到收錢果陣,
都係同你講“收唔收卡架?”
@.@

邪留丸~

naruto said...

三千:
好得七七八八,有心

TY:
感冒未清囉

大頭:
佢剩係諗住”睇“醫生,睇完走人

邪小姐:
我好緊張呢D野架,如果銀包無乜錢,作餐廳之類我會門口睇清楚收唔收咭至入去架,又或者行十條街都要襟左錢先

black lab said...

好明顯上個禮拜d菌係喺你上呼吸道嗰度上下咁游走啦。
唉,保重啦,雖然好似好番d,但係都唔好出外吹風喇,再冷一冷又嚟過架喇。自己知自事啦。

black lab said...

好明顯上個禮拜d菌係喺你上呼吸道嗰度上下咁游走啦。
唉,保重啦,雖然好似好番d,但係都唔好出外吹風喇,再冷一冷又嚟過架喇。自己知自事啦。

chiseenjai said...

都係要睇E生...

狂瞓啦!!!!!

ayclui said...

果然係財散人安樂...
保重啦大叔~
呢排d 人個個病到聲都變埋o架...

Quincy Luk said...

簽咭囉...不如問埋邊張credit card有折...

Ebenezer said...

你都病咗好耐喇,祝你早D好番啦!

卡臣 said...

快啲好返

maymay said...

依家D菌唔係人咁品,成藥唔掂架,第一時間睇醫生好過啦下次~
同埋呢,奇異果比橙更多維C囉....完。

Related Posts Plugin for WordPress, Blogger...