Saturday, March 31, 2012

小可憐

兩星期前,行經西區某店舖,見到呢隻B,細到似一個月左右,問師奶店員,佢悔氣咁答我,係佢養架,無阿媽架,已經食貓糧架啦;

當時我諗:咁快無奶,得唔得架?

早兩日,專登去睇佢,見佢比人縛喺門口,瞓左覺,埋去摸下佢,體型同兩星期前差唔多,好似無大過咁


仲好似睜唔大眼咁,有貓瘟呀;但有主人,可以做得D乜喎。。。


番屋企諗,都係唔得,點都要做D野,打左比貓義工,搵師奶對師奶,希望可以叫佢地帶隻B睇醫生啦


﹣﹣﹣﹣﹣﹣﹣﹣﹣
4月2日最新消息:愛協及貓義工跟進中,義工每日幫佢滴眼藥水及食藥,據說康復中

Friday, March 30, 2012

鳴門廚房﹣皮蛋瘦肉粥

有人問我最近係咪無煮野食喎,個blog完全無寫嘅喎,咪就係稿擠吖嘛,邊寫得咁多喎

好啦,寫一篇啦;呢排出街食得多,滯滯地吖,前晚瞓到半夜,胃氣谷到起左身,要摷胃藥食呀

今日,成日坐喺屋企做野;夜晚決定煲粥食,於是落樓下雜貨舖買左一隻皮蛋($2),一隻咸蛋($2)(但每樣用半隻咋喎),煲皮蛋瘦肉粥

舊咸瘦肉之前腌落(阿媽比嘅),切細舊出嚟食(幾鬼慳),包米係之前遊戲獎品(免費),呢隻日本米,煲粥好綿架


半粒鐘,攪掂;加埋咸蘿白,今餐好平但好好味喔~

Thursday, March 29, 2012

母愛

連日有太陽,連續兩日下晝偷兩粒鐘過去睇貓媽,一來,影貓B機會難逢,二來,如果隻B肯落地食野,咁又係時候搵人收養啦

有上次經驗,呢輯好滿意

最愛呢張,一瞬即逝;因為現場環境難控制,佢一定要喺呢個樹枝位我先影到佢,今次好彩啦


呢張,另一張至愛


其他相片






呢張掛臘鴨,好cute呀




講下現時情況。。。
貓B一個半月多D,可能得佢一隻,今次明顯大隻過上一胎,貓媽亦無咁攰;但係噚日發現,貓媽又叫春啦,未戒奶又嚟,真係癲架;

所以當貓B落地,會即安排捉貓媽絕育(希望今次得啦),同時捉埋BB。。。

所以如果有朋友想收養呢位小朋友,請聯絡我;亦希望如果識得有朋友想養貓,請通知佢地啦,多謝

Wednesday, March 28, 2012

跟u-magazine去米埔試玩sony DEV-5

又有得去呀,今次係u-magazine同sony合辧,主要係試sony DEV-5望遠鏡去米埔觀鳥


全團約三十人,又想影相,又要試望遠鏡,景點停留時間亦短,好忙呀,影得好少相咋


今次鳥唔夠上星期濕地公園多,最大堆係鳥屋見到嘅,但我唔知佢係乜雀喎


呢隻識呢隻識,今次學嘅,佢叫做”反嘴鷸“


呢隻係咪水鴨呢?


大白鷺同池鷺


小白鷺


荷花今次開得好靚,鍾意呢張個光影+蜜蜂呀


荷花池最多野影,但得五分鐘,又要影又要試望遠鏡,手忙腳亂


好,講下部sony DEV-5
略重,望遠鏡,可影相同拍高清片,concept一流

相片質素一般,睇睇。。。

影全景,唔錯


details出得幾好,但無乜景深,前面嘅葉同後面嘅屋都sharp


但zoom到最遠咩,粗哂喎;原來zoom有分光學變焦,即係同D機仔zoom一樣,zoom一半就OK,過一半就粗哂


zoom一半,叫做頂得住,兼已經遠過我枝200鏡


影近野呢,效果一流,色夠sharp,蜜蜂飛過都影到


高清片方面。。。放入電腦read唔到,直接放咭入電視睇到,唔錯喎,質素好過影相,但電腦read唔到,放唔到上嚟,有機會再放啦~

部機賣$15XXX,有興趣去sony睇下啦

Tuesday, March 27, 2012

怪人系列之。。。。父女

先開噚日嘅答案

係福壽螺嘅蛋呀,有神秘人估中呀,螺嚟架,有幾核突身痕呢?

佢地勁呀,生到通樹都係,你睇。。。


﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
好,講番今日主題。。。父女

老豆拖住個女行街,一面行一面唱歌。。。

有隻雀仔跌落水,跌落水。。。唱哂成隻重覆再唱,係咪覺得場面好溫馨呢?















但係個女十幾歲架喎

Monday, March 26, 2012

咩野嚟架呢?

今日(星期日),又有得跟U-magazine去香港遊,今次去米埔,詳情遲D寫,今日先嚟問問題

荷花隔離粉紅色一粒粒係乜嚟架呢?

聽日開估

Sunday, March 25, 2012

半價*免費*再免費

今日係免費日。。。

去左megabox,先去太興食晏,因為有張$50 coupon呀,兩人食左$103,即係差唔多半價啦



今個星期抽到兩套電影,一次過睇哂佢

先係1:10pm情謎,舒淇做得好,余生真係麻麻,故事明明OK,但拍到好悶,又因為係合拍片,個內地年青女演員表達方式真係好格格不入,扣哂分,仲明顯太有黑天鵝影子,成套戲合格咋~

接住3:15pm高舉愛,散場出嚟,行番入去,又係先去廁所,仲要去同一個"dou",同一個盆洗手,去番同一間影院,戲院又係未有廣告,播同一首歌,時間好似重覆左咁呀,謎過謎情呀

呢套戲,又係合拍片,江小姐瞓哂身“摵甩哂D野”,咪幾好,雖然都係差D差D咁,但今次加佢好多分,至少感受到佢認真
但故事太平實,有D港台劇feel,整體都係比合格咋


食飯慳$50,睇戲慳$220,正呀

跟住買波鞋,大減價,嘔突了

Saturday, March 24, 2012

廢噏@濕地公園

濕地公廁@濕地公園


家燕姐@濕地公園


騙案@濕地公園
嚟過幾次,都有影呢舊水瀨便便,今次問導賞園至知,原來係模型嚟架,,仲話真嘅咁落雨咪無哂囉呀,唔係真便便,呃人呀,欺騙人感情呀


怪物@濕地公園
哇!兩尾無頭鱷呀,發現新品種呀


小情侶@濕地公園
偷偷走去背面偷影呢張相,覺得幾靚。。。


先發覺,隔離果pair仲好笑,個肥仔影左好耐,而個女友又一路都係得一個舖屎

Thursday, March 22, 2012

小生命

今日內容睇左會情緒不安,請注意;去到果個位之前我會提醒,上半part係好野嚟架

2月8日,貓媽D BB又出世啦

3月8日,兩隻貓B識行出嚟啦,但當日陰天有雨,我無帶相機,見到兩隻都係三色嘅貓女,今次仲三色得好明顯㖭,遠睇就好靚啦

之後一路都唔好天,去親佢地都無出嚟

3月22日,終於見到貓B啦,但係得一隻


明顯似阿媽喎,連條尾都係短短嘅


樣就靚過阿媽好多啦,係咪呢?


難得機會,梗係幫佢影多幾張啦


貓B:喂!你影夠未呀?


好明顯係貓女啦呢隻


阿媽喺度佢就出嚟,阿媽行開佢就"lay"埋,呢幾張相等左兩粒鐘呀


得一個女,貓媽錫到燶


貓媽:阿女,自己要清潔架,要咁樣咁樣
貓B:喔,原來要啜腳趾


玩到癲哂


咪走呀,問你怕未?


好,如果怕核突,睇到呢度好啦。。。

現場環境影相唔易,要“琴”高“琴”低,終於去到一個靚位想影貓B嘅時候。。。

























見到另外果隻B。。。


屁股見肉,嬲哂蒼蠅,睇嚟死左唔係好耐,而佢嘅媽媽同姊妹就喺後面


遙遠的她,不可以再歸家
Related Posts Plugin for WordPress, Blogger...