Saturday, May 31, 2008

呢排聽乜歌

屋企開工,慣性一定要有D歌陪住先諗到嘢!五月係靠呢四張。。。三個娜姐加一隊Exile


Madonna成張快碟,我每次只會聽三cut,聽得最多一定係4 minutes,好好UN...


Leona Lewis,全碟都掂


Fiona,唱得幾好架,聽吓啦!


Exile,出道六年,終於有精選,因為銀河鐵路999主題曲,買嚟聽,非常J POP,推介

Friday, May 30, 2008

手信

如果話我嘅鄉下係泰國,我家姐嘅鄉下一定係日本,佢今年已經去咗四次旅行,全部去東京,唔厭架咩?

每次都有D手信,除左草餅同茶葉,今次有新嘢!係溫泉粉。。。


用咗就會變貴公子同伯爵,好神奇呀!做伯爵定貴公子先呢?


今次佢無買快獸,但買咗幪面超人身邊嘅嘍囉。。。“ 傑傑(上音)“,又話似我喎!
咦!“ 傑傑(上音)“頂帽armani嚟架喎,似佢都唔錯喎!

Thursday, May 29, 2008

床底寶箱之史前時間錦囊(二)

繼續時間錦囊。。。
搵到張簽名,一面翁靜晶,另一面莊靜而,唔記得幾時攞,根本唔鍾意佢兩個,但竟然走去過埋膠喎!


有兩個襟章,亦唔記得係邊套劇,有無人知?(欣宜你番去問吓Daddy啦)


楊家將貼紙,真係儲埋好多貨,呢度只係四份一


楚留香貼紙,左面嗰款反貼,係比你貼喺架車度,玩法係K-100主持喺條街度見到你架車有貼紙,就會有獎品


仲有TVB電話簿,失咗憶,無印象獲得途徑


仲有幾本相簿,遲D繼續

Wednesday, May 28, 2008

床底寶箱之史前時間錦囊(一)

睇卡通成日有話將D"貴重"物件放落時間錦囊,等廿年後打開,等自己有個回憶,我都有一個,仲真係廿年無開過。
前牌番老家執房,剿到佢,個心真係震咗一震,打開。。。除咗搵翻D遺忘咗嘅回憶,仲笑到趴咗喺地,原來全部係我作為TVB FANS嘅成長紀錄。


曾經參加競猜“健美小姐誰是冠亞季軍"遊戲,估中哂,即係連馬清儀都估中,以為有大獎,點知K﹣100用架水泥車(田螺車)嚟抽,當然抽唔中,但獲得安慰獎,居然連封信都未掉;TVB祝我生活愉快呀!


獎品係鎖匙扣兩個,其他D完全無印象點拎番嚟!


聽日繼續,一件騎呢過一件

後記:老家個牀底先至嚇死人,咩都有,仲搵到好多錢呀(舊嗰D)

Tuesday, May 27, 2008

第二季爛歌金曲鬥一番。。。第六回



上回又得手,總比數3:2, 興奮呀!今期到我改變策略,將時間推前至91年。。。
有請今日嘅參賽者﹣溫兆倫;當年仲未追討陳梅馨14萬分手費,亦未用菠蘿包搭上便便港姐,形象大好。

碟名叫"我是情痴 隨緣"。。。呢個碟名配溫兆倫今日睇番真係笑話


參賽歌曲。。。“戀愛快車“留意中間句(沒界限),好騎呢!


歌詞:


睇埋ogake出咩爛歌先

留言投票啦!

Monday, May 26, 2008

種豆 - 第一週速報

種豆第一週,全部發芽,好成功.按此睇上週情况

bazil leaf.....


三粒豆,最細嗰粒領先呀


紅棉樹種子,原來一尺高樹苗值成千銀,我一定會比心機種好你


最後係日本贈品,好靚仔喎!


下週見,又多一篇連載啦!

Sunday, May 25, 2008

教育電視之大便超人

各位同學,今日送上富有深層教育意義嘅大便超人陪大家食飯


























重播精華片段




各位同學,睇完之後,你而家
A.想食咖喱飯
B.想做大便人
C.想訂套大便人服飾返工返學去街
D.以上全部

最後送上松島老師食緊嘅咖哩飯一碟

Saturday, May 24, 2008

數碼暴龍

工作關係,最近經常返舊公司,離開咗八年,大部份同事都走咗,連公司都搬咗去數碼港;一返去第一個job就衝衝衝,今日終於可以食個靚Lunch.

老閶拍板,佢揀咗喺商場嘅紫雲軒


聽講厨師係李澤楷專誠由大陸邀請嚟開舖,但數碼港人跡罕至,day day拍烏蠅,只靠楷楷每月包場維持生計;唔知會唔會見到isabella呢。


原來我嘅大食已經係人都知,老閶嗌咗四個Lunch三個人食,但第四個餐我食咗一半以上
頭盤:有1/南瓜湯"或“2/叉燒煎餅...煎餅好得


主菜:3/海鮮天使麵...好好味,4/露絲馬莉雞扒...正路咗D


一個午餐連綠茶或啡唔駛$60,係咪抵到爛呢!(以上係兩個餐)


跟住嗌甜品,5/荔枝雪糕($18),好奶味但係好爽...OK,6/蘋果批($88)都幾大個,大過手掌,仲有舊芒果雪糕,又係我食最多


臨走侍應生叫我做埋VIP啦,但仲mug鬼同我全程講英文?

ps:邊個想食呀?我有Discount呀!

Friday, May 23, 2008

快獸導遊天水圍(七)。。。屏山文物徑(下)

有人話我出鏡少喎!咁出多D啦


繼續屏山遊,上期講到放低幾兩,接住就會嚟到“鄧氏宗祠“同“愈喬二公祠“,三進兩院建築,十六世紀建築;入面個“食蕉“女職員悶到係咁講電話,喺度打工連電話費都蝕埋


喺愈喬二公祠旁有小徑上山,只需十五分鐘,就到“屏山鄧族文物館“,前身係警署,建於1899年,可能係平日,人影到無個,職員直頭開埋門招待,佢話:"入嚟參觀啦,入面有冷氣呀!"聽到有D悲哀!



行完文物館可以食番碗豆腐花,爽呀!再望吓隔離棵樹,直頭係鬼手,食完速走


廣告時間,我係快獸呀!咁又攝一張


行去“洪聖宮“,間間差唔多樣嘅?


最後去埋“覲廷書室“,我覺得全程最靚係佢


屏山遊全程完,下一站濕公


後記:每個景點都有"食蕉"女職員,個個都好熱情,直頭唔捨得你走,可能真係太少遊客,大家得閑入嚟參觀吓啦!

今日相簿










喂!卡威治,都唔算好少花囉喎!
Related Posts Plugin for WordPress, Blogger...