又食又拎好心情

入愉景灣幫朋友做少少野兼諗住影下相，點知。。。


中環搭船入去，原來要$31一程，嘩!好Q貴呀!

見朋友仲有十分鐘至到，行個圈影下相，但得十分鐘，影得乜，就係咁多啦!


至愛嘅一張



坐底食飯，戶外對住個海，正，哂到除剩件tee都出汗，開心呀!有D夏天feel；意大利菜，睇相都知好味啦！朋友爭住請，多謝哂！食滿$100送一程船飛，咁就抵好多


上到佢屋企，又話多左隻牛尾君，我又真係無買喎，又拎埋，又thanks


攪完太陽以經謝左，無得影相LU

完

雜

噚晚做到一點至瞓，今朝8點就比個客call醒落樓下攞稿，仲要今朝即刻改完，真係趕到心臟病
下晝至正式睇關於問醫師嘅e-mail，哇!1,2,3,4,5,6.....乜真係咁多人身體有毛病架，做都市人真係艱難

做到悶，搵D世藝，見ellen要換hello mimi，好，就陪你癲，我$74就有七個印花啦!但係指定要其中兩個，運氣好都超高難度呀


夜晚，坐定定睇頒獎禮，見到黎耀祥攞獎，開心架，中學師兄嚟架！yeah!

睇完，寫完呢篇， 又要做多一粒先有得瞓， 唉!

金鈴﹣4

一入醫師間房，佢就笑口“洗洗”咁走埋嚟摷我D頭髮，睇我有無出新毛，但佢表情動作都令我諗起馬騮捉蚤；

醫：仲未出新頭髮喎！

我：我知呀!不過精神好左，鼻敏感唔見左咗，瞓少左

醫：拎隻手嚟把把脈。。。。咦！個肝仲係熱，肺都熱喎！

我：其實關唔關我啱啱食完韓國燒呢？

醫黑面：食完幾耐？

我：一個鐘頭前

醫：咁就有關啦。。。。

我心諗：我食過乜你都知？咁勁？你又無話過唔食得熱氣野

針灸期間，講到黑眼圈嘅問題，佢話可以免費比條藥方我過上環自己執藥磨成粉當facial用，可以減淡色素，但針完大家都無左件事，睇嚟佢都應該針兩野

又。。。佢免費燒左隻八段錦叫我有時間就學，但番到屋企。。。開唔到嘅？DVD定VCD嚟架？

我學埋八段錦？今次真係大叔啦!

D頭髮幼，前面一長就轉彎，噚日去剪髮，洗完頭，剪開嘅髮型師第一句就話：咦！今次前面好順喎，可以keep住再留喎！我即諗起唔通真係針灸有D效？同佢講左針灸嘅事，佢又即刻喺度捉蚤。。。。最後吹完頭，佢加多句，D髮質係唔同左喎！

第四集完，而家解答家庭觀眾嘅問題：

網球手可用針灸＋推拿方法醫，但首要係暫停打波!

頭疣，中醫角度比較長手尾，可飲用金銀花＋唔知乜野，”乜野“係藥引，竟然唔記得，有需要再問

胆固醇過高，需每日食麥皮加灼本耳

濕疹，可用針灸或艾灸，視乎你熱底定寒底

頭髮，佢話我只係第一期，去到第二期中都仲有得救，不過要施第二種針，好似係一針幾頭架

要介紹就mail我啦，雖然頭髮未出，但身體好左係事實，可以推介

我D blog正經左好多， 勁!

Junk Mail

只係短短幾日，就收到一大疊廣告信件；

快餐類之中，家鄉龜，pizza黑，勿勿送同野火就佔最多

但最鬼side紙係銀行，唔係叫你投資就係冧你借錢，次次都係無睇仲要幫個信封解體撕膠再垃圾分類，side時間呀


開電子郵件，仲衰。。。

床底寶箱之史前 銀行存摺

又到床史時間，今日係一本銀行存摺。。。

而家開戶口都無簿仔嘅，有本存摺揸喺手，實在好多



仲有隻可愛獅子仔歡迎你



屋企自細教落要有儲蓄習慣；83年用$50開戶，到85年有$1015；

畢左業，同時間做兩份工幾年，死儲爛儲，而家買埋樓，本簿仔又跌番去低點，下個目標應該係乜呢？


ps:今日呢篇，由感性嘅鳴門提供

分類垃圾小問題

垃圾要分類，但遇到D窗口封，你地會：


1/就咁掉落回收紙類嘅垃圾桶

2/撕走層膠，紙放落回收紙類嘅垃圾桶，膠放落回收膠類嘅垃圾桶

3/撕走層膠，紙放落回收紙類嘅垃圾桶，膠放無分類嘅垃圾桶

4/全部掉落無分類嘅垃圾桶

5/其他：例如放落鐵礶或者衣物回收箱

我嘅做法係3，但係層膠大部份都好易碎，總會有D“痴”住信封，咁其實得唔得架呢，定唔撕其實都OK架呢？咁D紙再做咪有好多雜質囉？

同樣道理，掉雜誌，又駛唔駛拆釘呢？

我今年只開了三日暖氣，好環保，請鼓掌；拍，拍，拍。。。

好日都唔......戴眼鏡

自小五開始，人人都叫我四眼仔。。。

尋日lunch之後路經香港仔糖果店，見朋友又試又食好開心，卒之都係買左副眼鏡朱古力玩下。戴左眼鏡之後即刻漫畫樣，有D小雙俠feel，但係好唔慣個框咁闊，睇野有好多彩點，過馬路會睇唔晒兩邊，要睇就唔可以好似之前咁只係眼珠郁，連頸都要擰埋...真係貪得意～



其實行左幾區搵足幾個禮拜，最後朋友香港仔見到打嚟通知先買到，＄2排，買左四排，藍色好珍貴，得一粒


唔知講乜嘅。。。。睇呢度