Wednesday, September 30, 2009

谷底

心情同今日天氣一樣,刮哂風;噚日老豆突然發狂,矛頭指向我,鬧鬧鬧;

今日返老家食飯,細佬可能發現氣氛有問題,比佢D九寨溝旅行相嚟睇,佢推介呢張。。。


佢地兩公婆喺現場對住個池猛咁“喂喂喂“喎!

笑番,thanks

Tuesday, September 29, 2009

粒粒pasta

上次去鴨脷洲間意大利超市買左呢包pasta,見佢細細粒,買嚟試下


以為會發都好大,又無喎!


雖然會加茄醬,但係都加多一隻大番茄


加埋蒜頭椰菜磨菇,已經香噴噴


倒茄醬,噢!倒得太多,無左半枝


製成品,原本諗住乾炒,變左茄醬燴,味就好味,酸左D囉!
隻粉幾得意,好彈牙,似大粒西米,下次試下白汁焗先

Monday, September 28, 2009

是日推介

放唔到上嚟,自己去睇啦,笑爆咀

Lilly Allen

http://www.youtube.com/watch?v=JWEOHd9JNmk


細路呢條睇都熟哂,猩猩睇過未。。。
原裝1

Saturday, September 26, 2009

唉唷!綠炸彈

9月24號

一早,非常寧靜,瞓到10:00am,咦!要做嘅job做哂啦喎,繼續去sina.com儲小浪,喺朋友幫忙下,儲埋最後一隻,唔知有無獎品呢?


兩點先出去食飯,一丁友去權發,為嘅除左杯茶外,仲有呢個點心拼盤,$13.8咋;咦!點解舊牛肉燒賣變左鮻魚餃嘅,食少舊㖭!,燒鵝瀨粉$12咋,好味呀!但係計埋茶錢就要$32啦,午飯反而唔駛茶錢,係咪仲抵呢?


個報紙稿客終於call我,原來佢地壞哂internet,唔怪得咁寧靜啦!

番去收到呢個信封,諗住上個年度番得8個月工,應該唔會交好多啩!

點知一睇,暈Q左,乜我有咁高薪咩?夠供兩期樓喎呢度



慳錢行動2009要進入第二階段

Friday, September 25, 2009

床照

呢個夏天買左張“馬腎“蓆,舖喺床,夜晚開冷氣嘅日子減到變個位數


夏天走左,呢兩日仲大風左,連風扇都慳埋,仲要蓋番綿胎(後)㖭!之前蓋被袋(前)咋


如果大家都唔開冷氣,相信比唔揸車更保護地球環境啦!香港用最多電嘅電器,係唔係冷氣呢?

喺屋企,熱咪著少件,唔好著囉,沖個涼,食件西瓜,開風扇,其實都涼浸浸架!


睇下我幾環保!

Thursday, September 24, 2009

咁又一日

呢個星期工作量跌至半年低位,襯太陽伯伯有開工,落泳池游水哂太陽

1:00pm:哂太陽睇雜誌聽下歌,見大廈隔離個荒廢地盆有個碼頭,形狀古怪,似唔似螳螂呀!嗰度應該係壞人個秘密基地,隻機械螳螂對前臂收埋左喺水底,驚呀



2:30pm:比個客急call,番歸做野。。。

前日睇完小新小白篇免治牛肉飯,加上天氣轉涼,突然好想食飯。。。決定今晚自己煮,仲要加隻荷包蛋嘅

5:30pm:落樓下買左西蘭花,$6有三個,超抵;又接到個客電話,有個急稿7:00pm前要喎!買唔切牛肉㖭

7:00pm:急稿終於做完,好肚餓,餣肉都趕唔切啦,無啦,無免治牛飯啦。。。唔,諗到,先煲落飯,落街加料

過兩個街口新開左檔牛雜檔,就試下你,廿蚊一碗,我唔食“磅“同肺,即係得番肚同腸,加埋自炒西蘭花,兩碗飯,咁又一餐



9:00pm: 攞本壹週刋睇下,見到朱朋做左封面;咁衰格,陳法蓉同陸C韻都呃,原來我眼花


12:01am:準備瞓覺,好大風,拎番張棉胎出嚟先

Wednesday, September 23, 2009

我的珍藏﹣明星相﹣李司棋

細個有零用錢除左會買兒童樂園同叮噹,仲會拎嚟買香港電視,新電視同金電視
其中新電視同金電視都有印花,你寄番去佢就會送你明星相,我,當然儲埋一大堆

今日先出當年三大花旦之一,有營主婦李司棋(題外話:讀書時D同學仔改佢個名做"你支旗"架


認唔認得D造型係邊套劇?我認得山水有相逢同輪流轉;

又估下我會儲左邊個?有D真係R爆,點解會入D咁嘅貨

Tuesday, September 22, 2009

再見小新

之前以經想寫小新,寫最喜愛嘅角色,估唔到會以咁嘅形式嚟寫;

我由第一期追到四十一,跟住停買,因為內容笑料重覆又重覆,無買幾期,想追都無得追啦而家!


我自己呢,最喜歡唔係小新,而係小白,又乖又有義氣,仲好好笑。。。


你地呢?會投邊個呀?後期配角越出越多,挑選左呢堆出現得最多嘅出嚟。。。主角呢家人會唔會係你至愛?左至右
小新
有痔瘡又有臭腳嘅廣志
平胸又長氣嘅美伢
愛發光珠寶同靚仔嘅小葵
老頑童爺爺


第二組:幼兒園同學
讀書最叻嘅風間
大喊包正男
鼻涕蟲阿呆(阿呆得兩集無鼻涕),呢張我係其中一集,一路懷疑係畫漏左
愛玩家家酒嘅妮妮
鍾意小新嘅超級有錢千金小愛


第三組:幼兒園老師
結左婚生左個女嘅吉永老師
似黑社會嘅園長
除左眼鏡會變臭脾氣嘅增美
松板老師,本來好地地,無啦啦講佢男朋友死左,同呢本書真係格格不入
松板老師男朋友德郎,本來講到就結婚,玩突然死亡,O哂咀



最後一組,大雜錦
小新夢中情人娜娜子
娜娜子死黨小忍
妮妮阿媽
考四次終於考上大學嘅四郎


係唔係全部都識?係嘅都好勁啦!

最後送上一篇較早期嘅故仔,傷感野嚟架,係印象最深刻嘅一個。。。小白之戀





睇新聞,原來臼井老師真係住喺春日部;多謝咁多年帶比我歡樂;臼井老師,安息

Monday, September 21, 2009

夕陽

唔知點解,呢幾日心神不定,總覺得有大事發生;今日天氣靚又得閒(唔係姓葉),一支公走去大口環影日落。。。
以前嚟影過相,個咸蛋黃會落海架


落左車,見到HKU個超靚球場行出去就係啦!


全海景呀


再向前行,沿路都係落葉同樹枝,有D似去馬騮溫泉條路


見到呢個交叉燈塔就係終點啦!


太陽未落山,瞓喺石灘哂下太陽,吹下海風,聽下歌,好舒服




等嘅就係呢一刻,雲泛住金光,金過金燕玲


呢幾張都OK呀!


餘暉


快獸都推介,有時間嚟行下啦!

Sunday, September 20, 2009

日警發現蠟筆小新作者遺體

好傷心呀!。。。。


日本警方今早在群馬縣的山中找到一具男屍,從衣服辨別,死者正是《蠟筆小新》的作者臼井儀人。

現年五十一歲的臼井儀人於本月十一日,對其家人說自己要去群馬縣登山,當天就回來,但是自走後就此失蹤,失去了聯繫。

據悉,臼井平時就有一人登山的習慣,此次臼井攀登的群馬縣山脈貫穿群馬縣東北部,其中最著名的是上毛三山赤城山,榛名山和妙義山。最高山峰海拔約二千五百米。

臼井儀人一九五八年四月二十一出生在日本靜岡縣,在埼玉縣立春日部工業高中畢業後沒有能夠考上大學,後來又草草讀了半年技術學校,可能覺得自己未來不會成為技術人才,就乾脆輟學了。接著,他一邊白天打工,一邊晚上到夜校學習設計,自己畫點漫畫。一九七九年到一家廣告公司就職。一九八五年,他開始在周刊《漫畫 ACTION》發表四格漫畫《不良百貨公司物語》。可是,當時日本社會還不認同這種四格漫畫,覺得其一是不好拍成動畫片,二是吸引不了大範圍的觀眾。他著實坐了幾年「冷板凳」。一九九零年,他在雙葉社的成人漫畫雜誌上推出了一個新連載,講述一個色色的小孩子日常生活的故事,沒想到一炮而紅,連載第二年被拍成動畫片,一時間到處都是「小新熱」。

據悉,目前在日本朝日電視台播放的《蠟筆小新》卡通片的手稿只存檔到十一月。《蠟筆小新》是臼井儀人的代表作,這部漫畫以崎玉縣春日部市的幼兒園兒童野原新之助為主人公,通過小新的「童言無忌」表達了社會百態與人世辛酸。該漫畫於一九九零年八月由日本雙葉社的《周末漫畫action》開始進行連載,後來被搬上電視和舞臺,享有國際聲譽。

掛住打機

比人話呃blog,呃blog已經係我風格嚟架啦!間中呃下幾好呀!

話時話噚日篇唔覺好呃喎!話哂都走去旺角影張相番吖!

我都已經無post呢張就算啦喎!


其實真係用少左時間寫,點解?因為工作上呢幾日得閒左,反而掛住打機。。。

迷上左呢兩個game。。。1/射箭

讀書時係射箭會架,睇唔出呢,成績絕對見得人㖭!呢個game正在真係做到個感覺,失去左嘅回憶番哂嚟!


2/推冰球?
都唔知正確名稱,但同電腦鬥,鬥智鬥力幾刺激


而家又無寫定幾篇,日日似寫日記,可能有日會寫。。。天晴,無事發生,呵呵

Saturday, September 19, 2009

孖仔?

行經奧海城附近,見到孖仔區議員呀,勁呀!真係一樣樣架!

Friday, September 18, 2009

樹根

呢類樹根牆,已經買少見少,國內同其他地方都唔多見,西環呢幅,可能係全港至大架,好壯觀。。。


第一次去影係中午,因為陽光關係,效果差D,決定黃昏再嚟!點知仲衰,第二朝七點半起身仆落去啦,見呢個位幾靚,影左一張,上圖呢兩位C拉啱啱遇到,開始傾計。。。



估計太陽遲幾個字位置仲靚,決定去大阿活食早餐嘆報紙,半個鐘後番嚟再影;點知。。。令我諗起小新阿媽。


最後影左呢堆。。。










題外話:希望臼井儀人平安無事,我仲每期追緊架!

Thursday, September 17, 2009

攪乜鬼奪命雜作-4

今次一單已經夠料。。。即開第四集

打麻雀時見個櫃有本野咁熟面口嘅!邊度見過呢。。。唔通阿媽讀master?


原來係阿二姨送架喎!
二姨送佢地姊妹每人一本log book記低每日股市走勢~
出名超孤寒嘅二姨送,怕且應該係$5咁上下嘅貨色

原來阿媽一早同某人結緣呀,hehe

Tuesday, September 15, 2009

打風過後*屍橫遍野

今日係近月最清閒嘅一日,睇新聞話西環海邊有魚沖上街。。。唔係吖?

落街睇睇,傷亡比想像更嚴重,成條街都係死魚,全部係泥猛魚毛,無條生還,想救都無得救;全部差唔多size,得2吋左右大,點都有幾百條,陰公;

因為係馬路,好多車爛哂。。。


連蝦都有?仲要手掌咁大隻?岸邊有咁大隻蝦架咩?懷疑係對面間海鮮酒樓掉D死蝦出嚟!但死蝦唔係可以做蝦餃呀蝦餅架咩,咁大side?


睇下樓下D樹唔係斜就斷,垃圾箱吹到散左,就知噚晚戰況激烈


魚魚,快D投胎唔好再做泥猛啦!
Related Posts Plugin for WordPress, Blogger...