Friday, February 29, 2008

與快獸漫遊倫敦巴黎-有骨氣的第七day

第一站往flea market,在途中見到呢間標榜1900年嘅百年老店排哂隊,即排埋一份;嚟法國梗係試法包,因法包最考功夫,外面要脆,入面要鬆,焗時仲要灑水,令外皮更脆;日本麵包店嘅焗爐都裝有自動灑水系統,所以喺香港食法包我都會幫趁日本麵包舖。
講返個包,perfect,小麥味重,外皮脆,入面軟,我成條食哂。


去行Marche Parisien de la Creation(Flea Market),主要係年輕藝術家星期日賣畫嘅地方,個market好細兼無咩特別,十分鐘行完。


比預期中快行完,問朋友跟住去邊,佢話買麵包,吓?
又排過,見到啱啱出爐嘅有料法包,我揀咗沙樂美,朋友要朱古力,哇!好食到識飛呀!但係飽到行唔郁


喂!呢位女仕,好食啫,唔駛買咁多呀?唔驚肥架;但事實係法國人普遍都好fit,唔多見有肥人


跟住去Marche aux puces Porte de Vanves,都係跳蚤市場,主力賣舊嘢!,又係無嘢睇,混咗兩次吉,唔再行flea market.


漫無目的,搭地鐵時見到呢個站風景幾靚,即落車博吓;出嚟見到個公園同博物館(Museum national D'histoire naturelle),入口已見超多骨頭標本,決定買飛入場;我後面係鯨魚類


從未見過咁多標本,幾壯觀,由小鳥青蛙到鯨魚大象都齊,兩旁仲有大量器官,有D恐怖,唔放上嚟


場館分兩層,地面放現代生物,二樓放史前生物


極狀觀,所以首次拍片留念,我極力推介呢個旅遊書都無介紹嘅景點


館隔離個公園有幾棵盛放梅花,靚爆


仲有棵1734年種嘅超巨型大樹,快獸有嘢講:


今日食pizza配雲吞,樽辣椒橄欖油好辣但好正


食完飯去bois vincennes(文生森林),主要分為公園/動物園/森林,唔夠時間,只可行公園,超多人,有馬比細路騎,又有划艇,個公園大到蕩失路


嚟巴黎第一個景點係佢,最後都係佢


返酒店執行李,聽朝早車番倫敦,消夜同聽朝早餐都係佢


瞓覺lu

Thursday, February 28, 2008

與快獸漫遊倫敦巴黎-醉人黃昏第六day

我最鍾意食麵包,第一次食Panini,呢間有位坐,就呢間啦!店主原來十年前喺香港重慶大廈住過幾年,好鍾意香港喎!


開頭揀咗個似係腸仔嘅,多口問吓佢,竟然係魚,最後佢介紹雞;而跟住幾日我每餐飯都加句“no fish?"至安心,即使係肉醬意。
快獸有嘢講:


第一站係Musee du Louvre(羅浮宮),靚就幾靚,不過睇得多,真係有D悶


快獸影快相,影完就走


隔離已經係Arc de Triomphe du Carrousel(卡塞爾凱旋門),1806年興建,仲靚過噚日睇嗰個


下一站Place de Concorde“協和廣場“,得"look"柱,以前係行刑嘅地方,瑪麗皇后就係喺呢度上斷頭台


可能係星期六兼天氣好,Basilque du Sacre-Coeur(聖心堂)嘅石級坐滿人,見佢地哂太陽傾吓計已經好開心;個白色人像係人份㗎!好鬼似呀。
喺度買咗個好合眼緣祝過聖嘅十字架,點知喺寫呢篇文前兩日戴出街時唔見咗!。。。主呀,暗示嚟㗎?


呢度屬於Montmartre(蒙馬特區),除聖心堂外,仲有好多cafe同畫家,我有朋友曾經喺到畫咗一年畫,終於見到佢當日擺檔嘅地方。
嚟到蒙馬特,點可以唔唱楊千嬅嘅"自由行"。。。(當我在蒙馬特看遍滿街的馬戲)


下一站Galerie Vivienne(維維安拱廊),成個商場仲保留住1800年嘅特式,(但其實去到邊都只係見到舊嘢,跟本成個城都仲停留喺古代咁),又話到咁珍貴,點解個細路喺度玩滑板車嘅?


喺商場行出嚟,個景咁熟嘅,原來到咗Palais Royal(皇宮),朝早行完羅浮宮曾經搵過,但搵唔到,而家盲"中中"反而嚟到,咦!咁咪即係又嚟返羅浮宮,唉!仲有,點解皇宮變咗細路場嘅?


今晚食扒,正


最後一站,龐比度藝術文化中心


終於有Modern Art睇,場館分開幾層,有五個展覧,喺度hea咗好耐,好滿足


睇完第一個館出嚟已經係黃昏,好醉人嘅景色,但喺天橋上影,有人行過天橋會震,影咗好多張得三張成功;呢張做咗我電腦嘅wallpaper


睇完展覧已經夜,返歸

Wednesday, February 27, 2008

吳浩康與雞翼

臨時放影“吳浩康與雞翼“,原定放影嘅"快獸愛漫遊"暫停放影,聽日繼續。
睇見blog友supageti噚日篇blog敎人整"薯仔炆雞翼“,今晚試吓整先。我加咗洋蔥同蘿蔔,個樣好得呀,餸飯一流。

supageti, 合格啩?


karvitz推介“吳浩康“REALITY CO. LTD.,佢嘅碟其實差唔多買齊;今次零宣傳,去到唱片舖仲要比譚詠倫遮住,真慘情,聽咗一輪,唱好咗,但rock多咗,對我嚟講,略嘈,聽多幾次再講。



supageti,karvitz,唔該哂

Tuesday, February 26, 2008

爛歌金曲鬥一番。。。第七回



變態!連鄒靜都有,上星期一開始就知輸硬,聽到我便秘,第七票係我投嘅!

開始知ogakeD口味,三線打落女歌手嘅碟,相信你仲齊過HMV.

判輸嚟打!今期派夠三個人,林保怡+歐陽震華+蒙嘉慧,歌名"星期日“



再upload一次,睇吓得唔得


歌詞


聽吓ogake出咩先?



ps:喂!阿fun,你認真諗吓加唔加入啦!對手好強,我唔捱得好耐㗎咋!

Monday, February 25, 2008

與快獸漫遊倫敦巴黎-最美麗的第五day

到巴黎啦!
一早起身,落樓睇下間酒店,其實好細間


我搭過嘅最細電梯,佢寫可搭三人,但兩個人都已經爆哂,噚晚搬埋行李更要分兩次


仲有個花園仔,幾骨"子"


法國面包咁出名,買個當早餐先;唔!好一般


食完即去第一個景點﹣﹣﹣凱旋門Arc de Triomphe,天氣靚到一舊雲都無,即影張postcard先


快獸有嘢講


跟住沿Av. des Champs-Elyesees(向瀉例瀉大道)到下一景點,兩旁啲舖頭得HMV開咗門,入去聽咗陣法文碟,幾好聽!


去老麥食多次早餐,咦!有碟聽,幾好喎!


影完相先知原來已經到咗Pont Alexandre III(亞歷山大三世橋)


中途有生果檔,買咗盒超紅士多啤利,好甜呀!


離遠已經見到鐵塔Tour Eiffel,但行極都行唔到,最後一轉彎,終然到啦!


去過東京鐵塔,大阪鐵塔,多倫多CN Tower,終於到艾菲爾鐵塔,同佢影張最四正嘅wallpaper先。
某年楊千嬅演唱會,蔡德才喺度彈手風琴嘅畫面突然彈番出嚟!有無人記得?


鐵塔下係Parc Champ de Mars(戰神公園),有棵"梅花?"開得勁燦爛


終於可以喺到唱伍姑娘嘅首本名曲"失落於巴黎鐵塔下"(La Tour Eiffel La Tour Eiffel 代我隱藏傷感 ......)


心情靚靚,影相影相


去到Palais de Chaillot(夏瑤宮),諗起張國榮特輯佢喺度走嚟走去,但唔記得個故事.從呢度望鐵塔,perfect


今日食Lunch Set,好正仲好飽,係個法包差D,發酵時間唔夠,用嚟點湯就OK!


快獸最鍾意個雪糕,好Creamy,好肥仔呀!


跟住去Musee Bourdelle(布戴爾美術館)
展品佈滿室內室外,室內做緊Henry Moore嘅展覽,中環怡和大廈嘅彫像就係佢嘅作品,值得推介。但室內嚴禁影相,影咗一張先知。


跟住去Cathedrale Notre-Dame de Paris(聖母院),啱啱做彌撒,聽吓聖詩,細個讀十三年天主敎學校望彌撒嘅感覺即刻番嚟,祈個禱先;
講番座教堂,1160年建,內部最高點達32米,係哥德式建築最頂尖一座,好靚


出嚟已經黃昏,河邊景色醉人;咦!點解去咗小樽嘅?


最後節目,Lafayette(老佛爺)掃貨買手信


番酒店附近食印度包,羊肉腸同雞肉包加沙律,好味。


今日好滿足,早抖
Related Posts Plugin for WordPress, Blogger...