Monday, June 30, 2008

星期日檔案

檔案一
連日大雨,今朝去大圍朋友屋企,發現樓下一個去水渠變為瀑布,尉為奇觀。


檔案二
去香港藝術館搵料,見門口座雕塑叫“位置的尋求“


唔同角度會有唔同嘅變化,幾得喎!


點知行遠睇。。。該煨囉,原來係大咸濕


檔案三
文化中心門外擺咗幾隻詛咒牌福娃,仲用咗民間傳統紙紮LOOK


尤其係阿水同阿火,造型直逼谷祖琳經典造型,見到要大嗌“收野呀!“


檔案四
進入減價季節,今日出動掃貨。。。
西武男裝已經減到理想價位,買
uniqlo本週減七分褲,掃
izzue本週VIP額外減多10%,執
去sogo,泳褲全線減,買咗條arena,$125咋!


檔案五
後花園大樹最新情况,一棵無咗,兩棵變矮仔,唉!

Sunday, June 29, 2008

試食報告

新加坡出品,不經油炸,好濃黑椒味,直頭暖胃;好味****


曼谷買落,葵花子+紫菜,幾香口,但有少少腥!好味**


增磅中,每晚隊一杯,三隻味都掂,以為牛奶咁普通,點知最好食,又食哂,要入貨啦!好味*****


平平地嘅選擇,朱古力幾濃味,雪糕夠滑,又大枝,食完好滿足。好味***

Saturday, June 28, 2008

廣州做D乜?

今日返廣州睇印刷廠,好忙呀!
有請快獸講下我今日做咗D乜。。。

快獸:我地九點鐘搭車喺天水圍出發,五點返到嚟,來回用咗四粒鐘,睇廠只係用咗半粒鐘,其餘都係食食食同超市掃貨,真係好忙架佢。。。。


快獸亂講野嘅結果,就係又仆街啦!


睇下我買咗咩啦。。。
蘋果脆片,好健康架呢!


粟米燒,應該好食啩!


日式沙律油,以前駐廣州成日食,買樽重溫下先!


味嘟嘟咖哩包,$6.5咋


繼上次曼谷買臭丸味香梘,沖完滿身芳香後,今次買左硫磺味香梘;哇!沖完咪有陣屁味,正!

Friday, June 27, 2008

聽日會好天嗎?

聽日想哂太陽,有無機會呢?

哂完用佢,冰冰涼涼好舒服

後花園塌方

風神掠過香港,除咗帶嚟狂風暴雨,屎坑腦瘤同鱘魚落難,仲有鳴門後花園都受到重創,三棵大樹連根拔,護衛阿叔話救唔返,因下面泥土太鬆,真係見者流淚呀!

Thursday, June 26, 2008

暴雨下見女神

本來今日個job係上遊艇拍𡃁界女神Janice Man一輯廣告相,結果天公不造美,最後改為半天室內照。
遊艇嗰part要延期,不過女神真人比想像中靚,又無架子,進度亦非常順利,不過諗起聽日揀相就頭痕,可能要用嫡護霜。

Wednesday, June 25, 2008

買雜誌送贈品之。。。

得物無所用

Tuesday, June 24, 2008

第二季爛歌金曲鬥一番。。。第十回

上回輸得心服口服,對手預言今仗贏硬,所以不容再失。


今回派出正東精選大碟,睇下個封面幾正常


派出嘅係掌門人曾志偉嘅。。。對面的女孩閃著淚光之愛體驗:掌門人之串燒


請留意曾志偉獨唱部份,好野嚟架
對面的女孩閃著淚光之愛體驗:掌門人之串燒 - 掌門人之串燒

歌詞


ogake出咩爛歌嚟鬥?兩台同步,聽完跟住留言投我票啦!

下集第二季爛歌金曲鬥一番。。。結局篇

Monday, June 23, 2008

inspiration face

朋友W話我呢幾日個blog無聊,咁就講你囉!
噚日提到買咗件TEE,其實係送比朋友W嘅!
因為話說幾個月前嘅一晚,設計咗呢件TEE,但個客對TEE入面卡通嘅五觀官唔滿意,改極都唔收貨,突然諗起朋友W嘅五官嘅特點,放咗落去,即刻收貨;所以點都要買件比你嘅,朋友!

Sunday, June 22, 2008

Hea Hea地嘅星期五

下午約咗朋友H喺APM白木屋食Lunch,其中一個目的係我託佢幫我買咗一件Tee,件Tee係我嘅設計嘅,但搵佢買,先有折頭囉!
佢叫魚生,我叫日式漢堡扒,好滿足。


三點同北京回流渡吓假嘅舊同事F同C聚舊兼探菓汁店老板,詳情睇昨日。。。
跟住佢提議過去隔離街“美都“HEA一個TEA.(佢真係當自己係遊客)


傾吓近况,講吓人是非後,我又開始發作。。。
對話如下:
1
C:阿Miss E去咗意大利讀書喎!
F:我知,佢仲打長途去北京同佢呻D同學化粧都要兩粒鐘,D假眼睫毛藍色架!
我:人地化粧關Q佢事咩!
F:佢話個個當自己係李嘉欣
我:但係佢似李紫盺喎!
。。。。。。
2
F:有D肚餓㖭!
C:你咪嗌個咩多囉!
F:咁我要油醬多啦,你地呢?
E:我要鮮原豬
C:咩呀!
F:咁我要茄汁扒
C:(終於get到我地講乜)我要义牛星干
E:咁我要多個伊炒炒炒啦



Saturday, June 21, 2008

廣告

朋友A果汁店新開張,店名"juiz"係佢隻愛貓個名,店面有大量佢愛貓嘅相架


我叫咗益力多火龍菓,朋友C&F叫咗五青汁,好好味架!


地址係油麻地永星里5號,去開百老匯電影中心就飲杯靚菓汁啦!

Friday, June 20, 2008

點解無人帶貓去沙灘?

Thursday, June 19, 2008

床底寶箱之鳴門前傳(一)

剿到張咁嘅“嘅野“,自己都嚇一跳,雖然真係“幾“十年前,但變臉變到自己都唔認得,嗰陣時仲係乖學生樣架!

Wednesday, June 18, 2008

床底寶箱之史前黑膠(三)。。。100%全新黑膠

呢篇唔係寫爛歌,雖然呢堆都好爛。
黑膠收藏中有堆從未聽過,因當年有電台朋友送我林憶蓮黑膠,其他朋友以為我咩黑膠都要,見唔要就拎哂嚟!呢堆未開過,100%全新。

FACE TO FACE佔兩隻,真係多謝哂!佢兩個去咗邊呢?



我唔聽嘈嘢喎!(個眼肚大過眼)



邊個嚟?


鬼呀!


最憎最爛最醜最討厭核突猥瑣樣衰口臭無料EQ低剩係識不滿嘅樂隊,竟然都送比我,唔擺落唱機都feel到嘈啦卜皆!真係多謝呀!記得當時第一時間話唔要,但饋贈者話:"呢隻會升值架,keep住啦!"
一語成讖。


有無人有以上大碟?

Tuesday, June 17, 2008

第二季爛歌金曲鬥一番。。。第九回

上回大勝,葉麗儀慘變葉麗零


上個星期嘅秘密電話錄音。。。
naruto:睇嚟今個星期我win硬
ogake:係啦!個個對爛歌嘅準則都唔同!
naruto:得番三場咋喎!睇嚟總數又係我win啦
ogake:你唔駛諗啦,三場我都win硬,我已經搵定歌
naruto:突然咁有信心,收埋D秘密武器終於肯出場啦咩
..................................................
今日誠意推介,丁薇嘅"開始“,封面都仲見得吓人。。。


內頁見到佢精緻嘅面孔,索爆嘅造型同獨門踎街pose,阿娘見到都嗌“娘"


入正題,講吓隻歌,鬼"練"咁嘅歌聲,聽見會嗌驚驚,請搵家長陪同欣賞。
開始 - 丁薇

歌詞


ogake出咩爛歌嚟鬥?快D過去聽完跟住留言投票啦!

又睇下ogake可唔可以連win最後三場先

Monday, June 16, 2008

邪 ﹣2


5月22日收到mail講到。。。
一個福娃頭上是風箏,代表濰坊,於是山東出軌了;
一個福娃是藏羚羊,於是西藏出事了;
一個福娃是火炬,於是火炬出事了;
一個福娃是熊貓,於是四川出事了;
現在還剩一條魚,下一個不會就是海邊的城市吧!

當日人人都話咁啱啫,但而家連最後一條魚都中埋,好邪!

﹣﹣﹣﹣﹣﹣﹣﹣
全國廿省遭遇洪災,災民達3800萬,南方昨日起將自西向東遭受新一輪強降雨天氣襲擊。

此次強降雨和5月底、6月上旬的連續性強降雨過程的交疊,將進一步增強洪澇災害破壞,使全國防汛抗洪形勢更加嚴峻。

入汛以來,中國西南東部、華南、江南、浙閩沿海先後出現大到暴雨天氣過程。持續不斷的強降雨,使長江、珠江、西江、閩江等流域部分幹流和支流,發生超警戒水位洪水。目前,因災死亡和失蹤200多人,倒塌房屋超過12萬間,直接經濟損失260億元。
﹣﹣﹣﹣﹣﹣﹣﹣﹣﹣﹣﹣﹣﹣【大公報訊】今年入汛以來,中國南方地區接連遭受3次大範圍強降雨天氣襲擊,中央氣象台的消息說,從15日起中國南方地區將自西向東遭受第4輪強降雨又將來襲,抗洪形勢異常嚴峻。洪災已造成南方9省55人死亡,1700萬人受災。

本報綜合中通社、新華社、中新社十五日報道,據民政部最新的災情統計,浙江、安徽、江西、湖北、湖南、廣東、廣西、貴州、雲南等南方9省(自治區)遭受暴雨洪澇災害。截至6月14日21時統計,共造成1787.4萬人受災,因災死亡55人,失蹤7人,緊急轉移安置127.4萬人;暴雨還造成農作物受災面積86.05萬公頃、絕收面積9.22萬公頃,另有45000間房屋倒塌,14100間房屋損壞,直接經濟損失106.1億元。民政部於6月14日20時分別對廣東、廣西、江西、湖南四省緊急啟動國家三級救災應急響應,並派出工作組趕赴災區。

華南再有大雨襲擊

中央氣象台最新監測顯示,15至17日,南方地區將自西向東迎來第4次強降雨過程,四川東部、重慶、貴州以及江淮、江南、華南等地將有中到大雨,貴州、廣西、廣東、湖南、江西、浙江、福建、安徽南部、江蘇南部、上海等地有大到暴雨,局部地區有大暴雨,上述局地並伴有短時雷雨大風等強對流天氣。18日之前,中國主要雨帶位於江南、華南及四川盆地東部、貴州、雲南南部一帶,之後主雨帶將北移。隨著18日之後雨帶北抬,華南東部、江南地區東南部降雨將有所減弱,強降雨將出現在四川盆地東部、黃淮南部、江漢、江淮、江南西部和北部、華南西部及貴州等地。

中央氣象台氣象專家提醒,南方地區要密切關注各大江河庫湖水位的變化,防範流域性洪澇災害的出現。

據悉,受強降雨影響,桂江、柳江幹支流及西江幹流發生超警戒水位洪水,部分中小河流發生超過歷史的最大洪水。柳江柳州站和西江梧州站水位均超過警戒水位,並仍在上漲,預計將發生較大洪水。

大食積

1:00pm ﹣做乖仔陪老豆飲茶
5:30pm - 行旺角行到肚餓,諗住食個早飯,終於走去食牛肉粥+油炸鬼
6:00pm - 明知夜晚實會肚餓,買定D生果小食啦,上次喉嚨單野,明顯到今日仲係虛火上升,所以想買“落仔“三寶,三磅山竹,一礶涼粉;本來想買埋西瓜,但最後揀咗兩磅花生同二磅蕃茄仔。
8:00pm - 睇電視見蔡瀾喺到食,我食半磅番茄
8:30pm - 見Amanda食得咁開心,我食咗一礶涼粉
9:15pm - 睇獎門人咁開心,我食哂三磅山竹
10:30pm - 花樣少男少女咁好睇,食花生先
11:15pm - 噢!食哂兩磅㖭!


飽哂!

Sunday, June 15, 2008

今日新聞

一日嘅新聞,竟然有四單天災,響哂警號,請醒醒!

日本...7.2強震 撼動東京死傷逾百


美國...中西部愛阿華等州連日暴雨,河水上漲,淹沒許\多城市與農田


中國...百年最大暴雨 兩廣12亡
國道淹水 航班延誤 數百萬人流離失所


中國...新疆北部地區遭遇百年罕見大旱,今年5月以來,塔城地區南部七縣(市)的平均降水量僅4.5公厘,而北部額敏縣、托里縣、裕民縣及塔城市旱情更為嚴重。
Related Posts Plugin for WordPress, Blogger...