發現﹣香港神級秘境（新清水灣道高架天橋）

上星期六，揀左去佐敦谷公園影相，覺得無乜野影之際，見隔離有座小山，有路上又唔係太高，諗住上去影下日落啦；行錯路，結果。。。


行左上天橋，好大風，行到中間，望出去，眼發光呀，好靚好靚好靚好靚好靚好靚呀～好鍾意左面個cityline呀，香港我未見過囉，右邊仲見到獅子山，加埋向西，暈呀～


除左比眼前美景迷暈外，暈，仲有一個原因。。。好高呀！雖然我無畏高，但都真係腳有D軟，因為除左高，當有大型貨車行過你後面，條橋係搖到八彩，搖到有離心力架

（條路係咪好靚呢？係咪好高先？）


加埋D車行得快，D沙石打落隻腳度，係㓤㓤痛架；你想專心影相？咁要睇下你有幾大膽先：）

（咁睇好似平地無乜野囉，係咪？）


下面望上去又如何呢？從網上搵到嘅料，佢係香港最高嘅天橋呀


上網搵料無乜影相人講，講親都係跳橋自殺，點解呢？

極力推介大家去影呀～

點去新清水灣道高架天橋：鑽石山地鐵站荷里活廣場下面巴士總站搭91M，順利消防局落，行去佐敦谷公園正門，向右行上橋