Wednesday, September 7, 2011

黑仔康復的進度

好多人關心黑仔,感激,寫下佢呢兩日嘅進度啦~

呢兩日,日日都抽時間過去餵藥比黑仔食;睇下D藥先。。。
藥丸兩隻,藥水一隻;我同醫生講,只可以做到每日食一次藥咋!


出院前,醫生喺我面前示範過點餵藥水,用針筒吸30ml,隊落佢個口度,因藥水甜嘅,佢lamlam脷就飲哂。。。
呢幾日到我餵啦,飲得果一啖就唔飲,滴番出嚟,仲掙扎走佬㖭;你隻死野吖~
我唯有將藥水藥丸混入貓礶頭比佢食,D藥丸整碎佢搵D魚肉冚住,攪掂,食哂;哼,同我鬥~


星期日出院,星期一去,佢明顯仲係攰,玩一陣瞓一陣,但肯食野又無咕咕叫,但從上面睇佢,見佢個腩左右唔balance,因為條腸仲係脹;
星期二,已經balance番好多,生猛左又食多左;
見唔到佢大便,但因為醫生剃左佢patpat同後腿D毛,見到隻眼週圍有C漬囉,黑仔,人做貓你做貓咁鬼污糟嘅?但證明佢有屙,我又心安D!
玩完又走去瞓;哇!瞓喺路中間,仲要冧成咁,真係懶瞓貓~


可能天氣熱,隻隻都瞓;
左邊隻豹貓越食越多,唔知同閹左有無關係,比初見佢時大左兩個碼,變左肥婆,但毛色靚左,D毛仲軟身左㖭!
右邊隻貓媽生左仔超大食,見佢靜雞雞走左去D隱蔽地方,應該係走去睇貓B啦,唔攪佢,希望今次貓B可以順利成長啦~


另外,呢兩日落去都撞唔到人,但見貓碗有飯/乾糧,即係有人幫手餵啦,咁我都無咁大壓力:D

13 意見:

卡臣 said...

好多善心人架

30 Something said...

成日覺得獸醫玩嘢,開藥丸點叫動物吞呢,藥水已經難餵....

Lazy Smurfette said...

康復得好快bor﹐黑仔叻叻! (餵藥果位仲叻)
見到貓們訓晒覺既相﹐我都好眼訓。Goodnight!

TY said...

good!!! 下次你再早D去, 睇下會唔會見到果個餵飯人!?

餵藥丸係最難!!!放左落個口度, 我隻狗都會偷偷地吐返出黎!!! 激屎~~~~~~~

largeheadboy said...

真係 endless love 呀!

l.minor said...

愛心大叔呀~

ayclui said...

大叔話: 攪掂,食哂;哼,同我鬥~
黑仔話: 攪掂,又呃到餐好o野食;哼,同我鬥~

supageti said...

要諗諗儘快帶貓媽去做絕育手術喇 ~~~

supageti said...

想起照顧阿 Dee 果段日子,真係心力交瘁 ~~~

邪留丸~ said...

黑仔,加油!快啲好返~

Ebenezer said...

d藥似係俾人食多d!

新鮮人 said...

讚!!

naruto said...

邪留丸~:
佢今日再好D啦,食得好開心,又識要人幫佢按摩

Ebenezer:
我覺得係同類野,份量少D咋嘛

新鮮人:
謝!!。。。。。。賢

Related Posts Plugin for WordPress, Blogger...