惡貓

北角有間賣二手書嘅森記書店，位置在商場地庫，非常出名，出名在非常多貓；之前去過，好多貓但話哂係舖頭，唔方便影相。。。


今日途經商場，見有隻貓企喺度，攞機諗住影相，但一踎低，佢就走過嚟掃你腳，太埋，影唔到相喎～


放個袋落地，佢即刻玩袋喎，同阿妹一樣，原來我呢個係貓見貓愛嘅袋嚟架；終於影到正面，幾靚仔吖！
影相唔覺，番嚟揀相先見到，佢上面點解有個電話號碼嘅？


再睇下佢個頸牌。。。惡貓；睇雜誌得知﹣”書店老闆為性格欠友善的貓咪加上「惡貓」吊牌，提醒客人小心“，但佢一見我就走埋嚟，摸佢就瞓喺你鞋任掃喎，咁都叫惡貓？


咁要地鐵職員搬BB車搬完仲要投訴人果個係咪要幫佢掛個“惡媽”牌呢？