開心A:
呢兩個星期,工作排得滿滿滿,星期二去廣告公司坐定定做兩日兼職,點知個job出哂事,結果番10:00am,放第二朝嘅7:30;
攰到喊,但星期三變左唔使番,偷番一日做自己野,開心
(am730@中環)
開心B:
星期三下晝接到餵貓阿姐的電話,佢話喺佢果頭捉到一隻灰貓,似我地舊年唔見左果隻貓爸,雖然機會渺茫,但夜晚會過去睇下;意粉講過奇蹟在身邊,我呢刻信架~
(左邊果隻就係貓爸)
開心C:
星期一,去搵黑仔,見佢健康活潑,於是開始無餵藥;佢食完最愛貓礶頭後同佢玩,跟住開玩笑講話:喂,屙篤屎嚟睇下好喎,表演下吖。。。
佢真係走去草叢,搵個C眼對住我擺出屙C的姿態,點知。。。屙唔出;我緊張,諗住餵番藥,佢完全唔肯食囉,激死~
(影黑仔,貓媽走嚟要按摩,阻住我影相呀)
星期三,偷來兩粒鐘,同你慢慢玩,先將藥混落貓礶頭比佢食,食哂,再摸佢肚皮,發覺唔算好脹啫,安心左好多;幫佢搓下肚波郁下D腸;引佢去草叢同佢講:喂!黑仔,表演下啦,屙屎啦,好無?
佢真係擺出高姿態,見佢夾左幾野都好似無野出,突然見佢瞓低,原來有舊屎唔出唔入呀,佢用口咬一咬,屎先屙到出嚟;
可能仲係未好哂啦,但見你屙到屎,我好開心呀~所以呢段係開心C
(養貓人士,一齊嚟品評下,我搵樹枝篤過,質地偏硬,顏色偏深,成粒蠔屎咁,係咪正常架?)
大爺youtuber
3 hours ago
16 意見:
好似有拔甩嘅~
嘩~整個"式勞"比人先呀嘛...食食下早餐見到隻"蠔屎"...
"蠔屎"唔ok 喎, 好似食咗好多立雜o野...正常嘅咪好似深色嘅"泰國貓屎"咁囉~
整個"式勞"比人先呀嘛x2
好彩食完早餐
雖然我無養貓,不過就咁睇好似紅紅地咁~
晨早見到,
有點想嘔~~
多謝哂!
看來有點乾硬喎,
應該未好哂,
要留意啊!
舊野好有記念價值喎,有冇包番屋企慢慢欣賞呢?
largeheadboy:
現場睇就無拔甩,深色D囉
ayclui:
式勞。。。開心AB.... C,比左架啦
l.minor:
我會拎張相去問下醫生
Ebenezer:
無呀,我唔食蠔屎嘅
會唔會有隱血呀? 真係似有拔甩喎... 正常應該唔會咁既色架~~ 我諗你要多留意黑仔情況..
D藥係咪要keep住食架? 如果係, 就食哂之後同佢睇多次醫生啦! 留返少少便便比醫生驗多次.
無養貓但有養狗人士 上
貓屎咖啡,正~
TY:
會睇住架啦,仲有藥;
卡臣:
執比你,唔好客氣
終於明白點解 BB 有便便爹哋媽咪會咁開心 ~
今日換水見到胡子有便便我都好開心 ~~
阿粉:
邊個係胡子呀?
我食緊飯.....不過見黑仔去到大大,都開心;但顏色真係有d怪。
貓爸係咪貓媽老公?
meow:
係
果晚個結果係。。。認錯貓,唔係貓爸:(
好得意呀(o的貓)!不如下次帶埋我去!
就咁睇張相, 似蠔屎多過似貓C, 佢係咪有食濕糧, 唔應該太硬, 學上面話齋, 似有血, 但你現場睇又話唔係, 係咪飲水少? 不過呢點你都唔知, 你FORCE佢飲水, 同埋食晒D葯佢啦。
我有個衝動想影go的C俾妳, 但佢只食乾糧,嗰D CC全部係麥提沙。
Quincy:
我weekday日日去,不過係黃昏時間,你夾到隨時歡迎
瘋膏:
每日一C放上你個blog啦:)
Post a Comment