今次講嘅係我幾十年前讀設計時嘅功課。。。
讀設計時第一次接觸影相同哂相，即時愛上，再加上當時ＭＩＳＳ竉幸，分數超哂班，終於寸到唔做Final Project,因為夠哂分畢業啦！
呢幾張當時高分之作，技巧係微粒爆裂，影完黑白菲林，沖片時先用藥水，develop完成後加熱水再用冷水令菲林爆裂，熱水過久菲林會巢，唔熱又唔裂喎！我呢！第一take已經成功！一唔成功，影嘅野就無哂架啦！
呢張喺香港大學影，爆裂之餘用埋Sepia相紙做啡色懷舊效果
中環佐治五世公園，相同效果
中環嘅天橋，玩陰陽模圖，配返黑白相紙，又掂
呢個功課得分98,破盡紀錄，成績輝煌
可能悶親你地，有興趣再寫，BYE
.JPG)
17 意見:
勁爗！
大叔好叻啊啊啊啊~~~
爭2分滿分...可能因為無搵欣宜做model...一定係!!!
Leo:
爆到死
超模欣宜:
搵你影，成塊面龜裂嘅效果，好唔好？
係啦~ 如果個model都靚的話.....你影人靚唔靚架?
ogake:
都得嘅！
而家學番打燈，滿師同你影
好似好好玩...
我都好想學呀~
大叔~
教我~教我~
好呀好呀...成塊面龜裂應該會靚仔過而家...咁幾時?...好緊張啊!
邪留丸~:
我無"架撐"喎！點教呀！
欣宜：
而家想做呢個效果緊係入電腦做啦，快靚正
係喎...
你啲"架撐"十年前先有...
=3=
首先, 大叔d相係好靚, 我都好欣賞, 真心嘅!!
第二, 欣宜係唔係好冧大叔? 個個msg都好似瘋狂fans咁? 句句愛你爰到殺死你咁, 好驚!! 收歛d啦...
casper:
你肯讚我呀?多謝喎!
呵呵!有fans喎!
強呀！你都係食硬呢行飯~
勁爗呀個題目！
largeheadboy:
但係我而家唔係揸機搵食架喎
Leo：
勁爆我就寫續集啦
第1幅~~~似莫奈的點彩畫！
Ellen老師:
果然係老師，似莫奈？咁比面呀！
果然勁!
抵你做design賺錢
Post a Comment