開工聽乜歌

我慣咗諗設計嘅時候一定要有Ｄ音樂聽下先會有嘢“櫈“到出嚟！尤其係Ｋ歌

上半年無乜碟出，呢隻我無賣，最近先問老狗借，又幾得喎，全碟直播唔駛ＣUT，I miss U固然易入腦，你來自掉，呀，唔係，你來自那顆星都唔錯，不過賣飛佛係“原諒我怕黑“，不過我其實唔怕黑，仲識跳開心舞。




吳雨霏隻碟前牌聽“分手要狠"，最近聽“長不大"，唔知係咪錄音效果，竟然有憶蓮feel

栢豪就全碟都推介，正呀
古巨基集碟就只有“眼睛不能没眼淚“入耳，隻“啦啦啦“直頭已經喺i-tunes delete，唔好side位




軒仔對上隻碟最愛“不吐不快“christopher chak嘅曲繼續係富士山下嘅延續，最尾一句。。。任何密友任何伴侶和諧互鬥投緣互信尊敬退縮生疏掛心忽近又遠跟世態搖擺，打哂冷震；跟住新出呢隻唱憶蓮，聽就幾好聽，不過似聽佢唱Ｋ

近日聽得最多係佢。。。周杰倫，“你說的幸福啦“同“稻香“都係我首選
王苑之，未消化哂，放假慢慢“LUN"


今年其實仲買咗eason隻國語同謝安琪，不過唔啱聽，入咗冷宮