巴黎戀愛寫真

真係有D運仔架，想睇呢套就抽到呢套嘅優先場，正呀～  

原來我未正式睇過中山美穗嘅戲，好似只係睇過半集嘅沉”悶“的森林，情書都無睇過 

男主角呢，反而睇左好多套喎，我的帥管家，萤之光2，Paradise Kiss，天空の诊疗所，而家仲追緊hungry

 講套戲，中山美穗一出場，第一個感覺係。。。咁殘嘅？

佢出場頭40分鐘都係著住下面呢套衫，但呢套衫真係暴露左佢個腩好大，其實美指同導演係咪應該執執佢呢？

去巴黎拍，當然多靚景，攝影唔錯架，劇情仲專登安排迷路通樹行，影飽佢；

故事推進就好日本果隻feel，慢慢地滲下滲下，到最後感動你一野果種

但我永遠諗無聊野。。。男主角因為劇情幾日旅行都無換衫（底都無得換喎），仲要攬攬錫錫同出去見人，我覺得應該幾臭囉

拍得靚，睇完都想再去巴黎一次，呢套我比70分