Tuesday, November 27, 2012

跟進。。。意外現場

物理治療師需要清楚知道阿媽屋企環境,廁所及花灑間位置嘅資料,於是約十日前嘅黃昏我返老家影相; 

老家附近我記得有一個議員辦公室,民主黨嘅,決定嘗試睇下可唔可以改善意外位置,幫下街坊都好吖 

入到去,一個職員聽我講完個case,好誠意咁話一定要做野,因為佢都覺得果個位嘅樓梯的確有改善空間,兼因為真係有人送入院,就一定要做野喎,佢即時打比路政置同運輸署,佢話佢會跟進,會將進度通知我 

第二日,佢已經打嚟話議員會跟進,會聯絡路政置,運輸署同pccw一齊到現場一齊做野,但需要D時間

 第四日,佢打嚟話佢搭的士經過見到現場圍起左,知道路政署做緊野,但唔知進度~  

我第二日心急專登去睇,原來佢地換左兩塊新嘅石屎蓋,的確係粗質地D嘅,塊鐵呢,佢聽我講rotate左去另一面,即係相對無咁易踏到果面,唔使直跣落樓梯,但。。。。

佢地將兩塊鐵貼埋一齊,即係跣腳位大左囉;同議員職員講返,佢繼續跟緊。。。

 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣ 其實呢,真係已經好多謝佢架,我從未搵過議員幫手,都諗過佢地會完全唔理,雖然暫時效果未滿意,但佢都真係push到人即時做野,我知道唔易嘅,佢亦提議左加扶手同改動樓梯形狀大細; 

而我呢,就搵左上下兩個街口嘅樓梯設計比佢send比有關部門,點解呢兩個會整齊咁多呢? 

最新消息係約好三個部門時想叫埋我到現場,想我參與喎;我同左佢講:我一定到(但時間未定喎)

12 意見:

卡臣 said...

佩服你啊! 路見不平

Cat said...

估唔到,都好快手吓喎。

Unknown said...

良好市民!

largeheadboy said...

政府效率不嬲都好快架,啲人又勤力,嘻嘻~

TY said...

臣臣: 掌聲鼓勵!! 多謝大叔幫西環街坊改善設施~~~

naruto said...

卡臣:
條路就真係不平啦

Cat:
係呀,我都估唔到

quincy;
一向都係啦

大頭:
抽水啦你

TY:
真係改好先算啦:)

ayclui said...

算快o架啦, 希望佢地真係可以整好啦.
大叔, 比個"讚" 你~

L L said...

嗯,造福人群!

supageti said...

讚!

DeepC said...

唔知會唔會加多個建議會好D呢,
如果telcom 多條內部指引, 可能可以提到師傅下次起完蓋個蓋不會放錯方向, 而其他地區可能也會受惠於這指引.

攞你命三千 said...

等睇事成之日~

新鮮人 said...

做得好!

Related Posts Plugin for WordPress, Blogger...