Thursday, November 1, 2012

案發現場

今日上午,要去西九開工,去唔到醫院,交比老豆同家姐,得知阿媽精神返同手術成功,個人都定返D;(但係西九開工真係好受罪,呢樣聽日再講)

夜晚我去到,見阿媽精神哂,姑娘派藥時問阿媽今日係咪無打止痛針同止痛藥,因為紀錄上無喎,阿媽答真係無打針同無止痛藥喎;

姑娘驚訝地問,唔痛咩?而家要唔要呀?阿媽話痛梗有,但未痛到要食藥喎。。。(咁勁嘅)

精神好好,但胃口好差,但姑娘話係正常嘅

閒談間老媽講述事發經過,完全唔知踏到乜,快到跌左至知自己跌低;

老豆就話今日專登再去案發現場,睇下阿媽踩到乜,結果發現原來係個“水渠蓋”,上面有塊金屬,好滑,佢專登踩上去試,真係好跣喎。。。

探完阿媽,陪老豆逢老家兼乘機去案發現場,條路其實設計得好差,睇相。。。


果幾級樓梯大小高矮不一。。。



但最攞命嘅係。。。最高果級樓梯頂有個水渠蓋,突起嘅。。。

你落樓梯唔行最左最細果個位就一定踩到佢。。。而攞命中再攞命嘅係蓋上嘅金屬。。。




今晚專登喺屋企附近行個圈,發現頗多呢類水蓋上嘅三角型金屬,題其他因字母較多,例如XXXX broadband,多字母兼立體感較強,踩上去係無咁跣跣嘅

但呢塊pccw呢,一來少字母,二來蝕哂,我今晚踩上去,無雨水有心理準備下都覺得好跣呀,真係嬲爆呀,一定要投訴佢,條街咁多公公婆婆,呢個肯定係個大陷阱

11 意見:

新鮮人 said...

哩個時候就係要睇吓個區議員做唔做到嘢了!

哩啲陷阱通街都係,
但係又無人理,
跣到人都少人理,
唔投訴佢唔得啦,
一於投爆佢啦!

卡臣 said...

伯母手術成功就好了

Cat said...

百有精神返就好嘞^^

止痛藥,百有可以唔食就唔食啦。但係其他藥就要小心唔好漏咗喎。因為而家醫護人員太忙(?)家人跟到就望多眼啦。

naruto said...

新鮮人:會做,唔為自己都要為下街坊

卡臣:多謝呀,個心定哂

cat:但根本唔步有乜藥要食,真係漏奇都唔知喎。。。會跟架啦

ayclui said...

百友好叻呀, 祝佢快d 康復~
仲有, 要幫手投訴就出聲, 我幫拖!

l.minor said...

我之前聽朋友講過,可以claim政府的,因為佢地嘅道路設計問題,令到有人受傷,作出賠償。

TY said...

快D搵果D成功爭取物物乜乜果D議員投訴啦! 唔係佢地無野做架啦!

naruto said...

ayclui:
好,多謝

l.minor:
會試下問,但主要係攪好樓梯/蓋位先

TY:
我先搵“籮霸”出馬先。。。

supageti said...

所以路上任何金屬物體我都會避開 ~~ 真係好跣好跣嫁 ~~

naruto said...

粉:
老人家又要顧落雨擔遮,又要睇住條樓梯,睇漏眼囉

black lab said...

幫我問候伯母,並祝佢早日康復。

Related Posts Plugin for WordPress, Blogger...