唔計水筆，螢光，油性marker等，剩係計原子筆竟然都有18枝，難怪筆桶滿瀉
而18枝入面，一半都係免費嘅；去旅行酒店房果枝原子筆，通常我都攞走，好似上次去台北喜瑞，我就拎左兩枝啦～
呢枝布吉laguna，應該都用左7-8年，當時都未海潚
日本嘅東橫又有兩枝
N年前嘅台灣一樂園又有一枝
早排過澳門做野，等船時比旅遊局抽中做調查，事後送贈嘅紀念品
去bannershop門市，見原子筆任攞，我又攞左一枝，仲幾好寫㖭～
舊年抽中去太空館睇霍金，呢枝係入場紀念品，好睇唔好用
最高境界，呢枝唔知幾時攞，都唔知“任我行”係乜？
繼洗面膏之後，原子筆又犯同樣嘅錯，要揀兩枝出嚟重點用先得啦，見到免費任攞都要忍手呀～
你地有無數過擁有幾多枝筆呢？
.JPG)
20 意見:
我以前有儲酒店/酒廊的火柴盒
後尾扔哂...嗚嗚...
原子筆...我用muji, $6支,抵!
筆都係撻公司o既。 :o)
我都係用muji
正~
:)
最高峰時超過四十枝,
不過多數係自己買了,
當中不少是螢光筆、箱頭筆!
我嗰D，緣來緣去，數就數唔到架喇，消耗得好快。而且我通常換筆芯唔換筆桿。
不過，你D筆，咁肥嘅？好唔好揸手架？
澳門及台北喜瑞.....我都有，肥嘟嘟，好揸手及好寫呀！
卡臣：
儲左多年嘅野，掉哂好肉痛架
Best actor:
以前返office我都係用私伙筆
邪小姐：
你要用筆架咩？
你用d刀刀鉗鉗架嘛
新鮮人：
加埋其他筆應該都有三十幾枝
Black lab:
肥果幾枝好楂架
Ellen:
你無東橫咩？
筆都係撻公司o既 X 2
(擺明係欠咗我o架啦~)
數下都有成20支, 有D係酒店嘅~
我三個筆筒都插滿晒，大部份係買既。
經你這麼一提, 我反而想數下有幾多對襪! :)
我屋企有150支咁上下=.=",有1半係未用過擺左O係文具箱,另外果1半既1半係寫唔出...
雖然成日俾佢哋話我唔識字... = ="
但我都要用架...
刀刀鉗鉗都係"對"俾老狗用啫,
都唔關我事~
我有好多筆，但係好多支都無墨寫唔出
但係又唔知點解仲放喺度每次想寫野支支筆都無墨~
ayclui：
你廿枝我又廿枝，我地其實好嘥野呢
supageti：
三個筆桶，咁你實多過我啦
星若：
我個標題呢。。。”家中的一角“係連載架，我大把野係多到用唔哂：（
瑤姑：
寫唔出點解唔掉左佢呢？
邪留丸~：
刀唔關你事，果條喉管關你事啦卦
largeheadboy：
無墨一係換芯，一係掉左佢啦，屋企好大咩（不過睇相你屋企又真係好大）
又真係無東橫喎！
其實我屋企及学校個位都有好多筆！
Ellen老師:
我今晚喼，又搵多兩枝出嚟，我諗唔買唔攞都夠用三五年
我地其實好嘥野呢 --> 某程度上係囉~
大把野係多到用唔哂 --> 不如攞去捐或者同人交換D有用o野丫~
我又搵下屋企有咩多到用唔哂先~
趁大掃除掉左喇,有時急o係上黎拎上手又寫唔出,好忟架,haha
先講一句：貪心。哈哈
但其實我都有幾枝，而且仲幾有紀念價值的。
我的筆都係增品，好似係速遞公司成盒扐泥！不過幾好用仲有藍、黃、白色添，酒店鐘意儲信紙，文具，當然吾少得筆！呢方面日本出品贏晒，至齊文具竟然係泰國某酒店連刨鉛筆機都有。
Post a Comment