貓之號外

前幾日影過隻貓B，放左上facebook，即刻有回應；幾個愛貓人士及義工紛紛話要做下野，驚貓B會凍死，及希望幫佢搵住好人家，又叮囑唔好寫地點，話有D虐貓之士都係睇住呢D料去落毒手。。。

又，其實我已經去左第二次，買左包貓糧去餵佢地，原來總期有三大一細貓，佢地好friend架，攬住喺屋頂瞓，但原來都好大食，食左好多。。。

我都唔知咁做啱唔啱，因為捉左隻細比人養，即係表示母子比人拆散；

但大隻果D又無人會養，佢地話想捉佢地去閹，但有一隻好似大緊肚，佢地又話可能會同佢落左佢。

我影張相啫，好似攪到好大件事㖭。。。