Monday, November 15, 2010

澳門工作見聞六

1/剛過去嘅星期五六日,幫一間廣告公司去“明姑娘”間珠寶行,橱窗及店面裝飾嘅指揮工作,結果,攰到不能。。。

星期五,負責尖沙咀一組,原來短短兩個街口,就已經有五間,其中三間大到驚人,做到你變低能
﹣﹣﹣﹣﹣﹣﹣﹣﹣﹣﹣

2/星期六及日,過澳門;精彩啦,入去買野嘅真係十個有九個九都係內地遊客,佢地買金買都呢,因為我通常都會企近門口位,而抽獎箱就係隔離,買滿一千有一張,個個拎住十張八張抽獎卷係咁隊落去,今朝仲有個客要個sales攞個載金飾嘅盤,上面放左無一百都有九十張,我個同事講,佢一早已見另一個客都係咁情形呀,而店舖當時只係啱啱開門咋!
﹣﹣﹣﹣﹣﹣﹣﹣﹣﹣﹣

3/又,見到一個村姑,買左好耐,結果使左$16xxxxx埋單,真係好驚呀!
﹣﹣﹣﹣﹣﹣﹣﹣﹣﹣﹣

4/又發覺,香港同澳門銷售方式好唔同,香港果D sales對客超客氣,澳門果D好惡架,黑哂面,好似教你買野咁架~
﹣﹣﹣﹣﹣﹣﹣﹣﹣﹣﹣

5/今日見到大陸遊客爭的士打架,兩次當街嗌交;另外,工程部同事D袋通常只可以放埋一堆喺條街度,咁有一個係好大嘅shopping bag,放工具及其中一個同事嘅外套,竟然有件大陸阿姑走埋嚟好順手咁摷,想拎走卷膠紙同件外套,我真作喝住佢先無事咋,咩世界呀?
﹣﹣﹣﹣﹣﹣﹣﹣﹣﹣﹣

6/話去澳門,但完全無自己時間架,想影相,企喺舖頭門,見乜影乜啦;去凱旋門,見到安利


去威尼斯人,多人到似街市,同快獸影左一張,避極都超多人,呢張最少架啦


去大馬路,見到大火把


去新濠天地,扮睇左”水舞間“,其實只係去”洗手間“行過影張相


未完,仲有笑話篇

16 意見:

largeheadboy said...

水舞間嗰個真係人定係幅畫嚟架?

naruto said...

largeheadboy:
咪又係D特大成幅牆咁大嘅電視機

ayclui said...

呢個週末真係好充實喎... ;)
我好耐都無過大海啦, 真係好怕果d "同胞"...

naruto said...

ayclui:
真係有D怕架,佢地唔理人架,見你地喺窗口做緊野,香港D人會避開唔阻像,佢地真係完全當你唔存在,兼挨住你條梯(上面有師傅架)

卡臣 said...

香港政府幾時學澳門政府派錢俾市民呀?

naruto said...

卡臣:
你發夢呀?

maymay said...

我兩個家姊今日過大海玩,叫埋我去,不過我依然係話"咪攪",
第一次去澳門己經見到街上面有個男人打女人,有陰影~@@

naruto said...

maymay:
打架。。。表演嚟架,精彩,仲免費㖭

phyllis said...

家下周圍都係大陸人, 佢地有錢無掟洗...
完左d project去玩下啦..

naruto said...

phyllis:
完左一個,接住仲有好多個

ching said...

以前去澳門可以好安靜嗎坐0係水池旁睇街, 而家去到周街人, 好似走難...

另, 你的工作真有意思, 可以增廣見聞~

l.minor said...

你嘅工作,令我想起有一次行Zara,突然有兩個designer,叫d Sales收番哂呢度d貨,唔出得街住呀!即時d Sales拿拿林收好哂!原來你嘅工作係咁型嘅!!!

1.尖咀龍福,好誇啦!左又有,右又有!

2.佢地d錢真係多到呢...

3.我返而想知,村姑黠樣拎d錢去旅行,成個旅行袋都係錢?恐怖呀!

4.我懷疑d Sales係香港勞唔掂,過咗去澳門做外勞!

5.佢地真係痴痴地線!前兩日係尖咀Adidas 旗艦店,見到個大陸人"mou"咗係佢地門口中間,有個Adidas職員出黎狂鬧佢!

6.做野都帶阿快獸去,你地果然係好朋友呀!

Sun Sun said...

有無去MGM啊? 我淨係鍾意MGM, 因為佢個天幕廣場同埋佢風格真係同其他賭場唔同, 重有上次我唙嗰度嬴錢啊, 哈哈哈....

Sun Sun said...

咁咪何生同你過生日?

Maisy said...

我都想講,快獸有得去旅行:)

naruto said...

ching:
我嘅工作。。。你現場見到就唔會覺得好囉

l.minor:
3:今次所見,好多用咭,應該係銀聯
4.我搭船過去嘅時候,隔離個內地阿姑掛住要傾計,跟住又要最快趕落船。。。。漏左成個大手袋喺地,唔係我地,幫佢看住等佢番嚟,無左啦。真係痴痴地線

Sun Sun:
MGM。。。無去,只係喺對面影左張相only

溫總呀,yeah!

Maisy:
快獸全程只係浦頭3分鐘架咋

Related Posts Plugin for WordPress, Blogger...