澳門工作見聞六下集大結局

1/當你企喺門口做野，就成日有人嚟問路？問時間？問我地做乜？甚至問我地邊隻手機抵買？我真係無乜野識答喎！

但當有一次，有一雙約三十幾嘅男女問我同事：富都酒店喺邊便呀？
同事答唔知，我搶答：係咪即係富都賓館？
佢答係，我話：前面轉彎就係啦；
同事問我點解會知，因為貼橱窗有好多垃圾，而我係會儲齊一堆就拎去轉彎垃圾桶，所以知囉!（係呀，我連通街執垃圾都做埋呀）
同事話：佢兩個個樣咁心急，梗係去爆房啦

﹣﹣﹣﹣﹣﹣﹣﹣﹣﹣

2/食飯時間唔多，兼攞住太多重野，只會見附近有乜食乜；食麵，ok好味，但杯檬茶，個底完全滾，比埋茶包加冰上枱，咁嘅凍檬茶，我真係第一次見咋喎

﹣﹣﹣﹣﹣﹣﹣﹣﹣﹣﹣﹣﹣﹣

3/星期六晚，有三個工程部同事會留低過夜，但又要平又要近，點佢去富都又嫌三嫌四。。。
星期日，當我同佢地搭的士時，問佢地終於住邊間，佢地笑住咁講：文華(當然唔係果間）呀，哈哈；就係噚晚間舖對面咋
的士司機搭咀，果間好呀！二百零三百一晚，抵住呀，後樓梯仲大把女坐哂喺度，你地有無見到呀？
同事A答：無喎，我去睇過無喎（無啦啦又會去睇？呵呵）
同事B答：可能溫總嚟左掃哂啦
司機：係啦，一個人 掃哂(可圈可點呀）；我以前呀，喺文華對面地盆做野，成日去搵佢地架，個個17，22
我：乜野17，22呀？
司機：梗係講年紀啦，揀梗係揀個後生架啦，XXXXXX（太四級，唔出得街）
同事A：個溫總遲唔嚟早唔嚟，係要噚日嚟。。。
﹣﹣﹣﹣﹣﹣﹣﹣﹣﹣﹣﹣﹣﹣

4／入商場借”C舞間“，見到租兒時裝，發音真係同英文一樣，容小姐可考慮叫租兒

﹣﹣﹣﹣﹣﹣﹣﹣﹣﹣﹣﹣﹣﹣
5／都有幾年無去澳門，今次週六日去，撞口撞面70%嘅人都係內地遊客，本來都想搵次過去影下相，但多人成咁，點影呀？


6／便民(聞）藥房？臭呀；令我諗起BB有便便嘅廣告