號外﹣ 我覺得做左衰人

都係講D貓貓。。。

首從寫左篇blog＋放左一張相上FB，比我姐夫個妹見到之後，就惹來一班貓痴PM到我暈。。。

又攞地址，又問攞多D相，知多D料；又叫我唔好登相加詳細地址，驚有虐貓人扮愛貓人咁話。。。

我第二次去，見到原來共有四隻貓，三大一細，專登買左包貓糧餵佢地。。。

今日再去，得番貓媽媽與黑貓；打電話比姐夫個妹，佢地原來已經行動捉走兩隻，隻貓媽媽因為受驚捉唔到，黑媽呢，原來已剪耳，即係之前比義工捉過，閹左再放番。。。

咁兩父子送左去獸醫義工度，話兩隻都好痴人，爸爸其實只有一歲，會觀察佢一星期適唔適合比人養喎；但佢話咁痴人，好有信心一定有人肯收養；
佢地遲D會去捉(救）埋貓媽，佢話佢其實得8個月左右架咋!

但我問：咁如果貓爸，貓爸佢地真係有人養，咁黑貓咪孤令令一隻，佢地話：無辧法喎！

我坐喺度望住佢兩隻野，我覺得我做左衰人 :(

D相係我第二次去嘅時候影嘅。。。

呢隻係貓爸


呢隻係貓媽


呢隻黑貓，全身黑色，剪左耳


黑貓見到一個經常會出現嘅大叔，即刻瞓低同佢玩；其實佢咁痴人，以前實係有人養開啦


兩父子喺屋頂玩


本來一家三口，而家。。。


希望佢地真係幸福啦