與快獸漫遊倫敦巴黎-最後兩day

第八日，搭早車返倫敦啦！喺eurostar睇日出，新奇新睇驗


今日主力shopping,返酒店check in後即去Oxford Circus，Habitat 同Liberty係必到點，另外，受朋友所託往Paul Smith Outlet,點知行錯路，去唔成；見途人攞住Abercrombie & Fitch紙袋，問佢間舖喺邊，結果搵咗半個鐘至搵到。原來A&F已經喺倫敦開咗一年，門口有“坦“胸男模招徠，全店黑鬼"炆炆“disco feel，大播重beat勁歌，男女售貨員皆走大隻／性感路線，但貨品價錢竟然同美國一樣，但一個係美金，一個係英磅喎！本來諗住搵佢代替Paul Smith做手信,太唔抵啦，又空手回。


想去嘅地方已經去哂，結果去埋"大英博物館“，朋友話呢度似港姐舞台


有中國旅遊團行經羅馬柱時對條柱“深入研究“，對條柱又摸又踢，（有個牌寫住don't touch架）真係好羞家


件件石像都唔著衫嘅！嗰D淫嬸又要投訴啦！


呢間真係叫spagetti house,幾好味，食完返酒店執包袱，準備明早返香港


第九日。。。食完早餐仲有粒零鐘，決定再去Kensington Garden行多轉，今朝較凍，草地有霜，好靚；去同肥天鵝講bye bye


班機delay咗個半鐘，同快獸影D機場相


全機差不多全滿，得我同朋友隔離有兩個位，發達，每人有兩個位，可以瞓得好D啦！第一次搭飛機有機打（好鄉下仔），兩餐都幾好味，除咗pat死魚（白圈），食飽瞓覺


全程報告完畢！同大家講bye bye la！



預告：仲有一篇“與快獸漫遊巴黎厠所“