床底寶箱之古文明之謎（一）

我到而家先知原來有個詞係形容我嘅，就係儲物癖；除咗文具，玩具，我仲有幾件幾驚人嘅珍藏，我珍而重之，擺喺櫃，唔係放床底㗎！。。。今日先講一件

綠寶玻璃樽 ﹣ 至少三十年歷史，入面Ｄ汚漬洗極洗唔甩，就當係歴史見証啦！


讀設計時，同學有間棚屋同石屋喺大澳，每逢放假會入去通山跑同釣魚;
第一次去見到佢嗰兩間屋，真係比佢嚇咗一跳，又舊又汚糟，似足鬼屋（點知真係有同學見到嘢，哈哈），幫佢抺屋時，無燈，無水，樓梯騎樓仲危危地，發現咗一堆汽水樽，佢比咗兩個我，ＫＥＥＰ到而家；間屋後嚟借咗比梁朝偉同葉玉卿拍過“哥哥的情人“，有無睇過呢？

你地有無儲Ｄ舊嘢？Show嚟睇下好喎！

ps:睇下午一時嘅無記新聞，見到四川地震嘅新聞，記者蘇敬恒現場報導疑似嗚咽,拍番嚟嘅影像亦嚇人，睇得心噏，只可以送上祝福，記者都要小心呀！