快獸導遊天水圍（五）。。。國際彫塑交流展

早一個月提過，有一個"大"規模嘅國際彫塑交流展將會喺天水圍展出，五月三日已正式展出，先睇作品。。。
其實近幾個星期都有走去睇佢地點樣喺公園現場彫刻，雖然圍哂板，但都見到呢班外地彫塑家用電鋸同大型工具逐小逐小由一塊原石慢慢變成一件藝術品，呢度係其中四件；
紅色嗰件係中國作品（上左），﹣"Flying towards the rainbow",rainbow呢？
較喜歡津巴布韋作品（下左）﹣Birds in the Park,用上中翡翠，彫出黑臉琵鷺，好壯觀！


其餘六件作品，值得一提（上左）﹣捷克嘅wetland Heart Cloud,彫功精細
而最鍾意係俄羅斯作品（下右）﹣Wing of King Angel,線條簡單但好多details,勁！


睇完作品，開始鬧人。。。
有咩理由世界各地彫刻師雲集可以零宣傳
喺現場直頭唔知展覽展到幾時
擺得喺天水圍公園，咁大地方，以為會將作品放喺空曠地方，竟然放哂喺通道，密質質，睇唔到彫像背面，攪咩呀？
用鐵馬欄住，完全破壞觀感，請個實Ｑ啦！而家無人“看“住，一樣有機會比人破壞


作品資料用易拉架展出，西洋菜街咩！


將Ｄ花絮掛喺地盤板展覽，我都係第一次見，咁無誠意，咪攪啦！攪到咁核突，掉假呀！


香港攪藝術，唉！番屋企睇家燕姐套咩野“銀針粉“好過

完