床底寶箱之史前文具（二）

標題"床底寶箱之史前文具（二） "太長，以下簡寫為"床史（二）“。。。床史越掘越深，除咗文具，仲有玩具，錢幣,郵票，黑膠，值唔錢呢？退唔退到休呢？發吓夢先！

今日講鉛筆刨，睇吓有無你地用過嘅！

呢三款，而家書局都仲有，如果咁都未用過，可以唔駛睇落去



長城牌有好多款，呢款掃咗一盒


呢款卡通面會郁，又掃一盒


登登登凳，主角嚟喇！動物造型，睇番都覺得好靚仔呀！


家庭用品部。。。暖水壼同熨斗，好經典，我小學時兩個都用過



迷宮同指南針，上堂作嘔作悶時拎嚟kill time就啱喇



最鍾意呢個。。。唐老鴨高清電視機，郁吓個電視，唐老鴨就會"哇"艇架啦！本來買咗兩個（係間舖最後兩個，另一個係米奇）比當時啲無頼團友搶咗，嬲！我會記足一世。


攻blog策略：下期講啲好大路，六七十年代嗰堆細路嘅must buy items