自問自答

天氣轉涼，我地派出記者追訪悲情城市天水圍獨居老人嘅境況。

記者：阿伯，天氣涼呀，著多件衫呀。
鳴門：已經著到隻糉咁啦，重著，你儍架？
記者：咁凍，今日食飯有咩餸呀？
鳴門：一枝公，食"濛濛"，今日食（大頭菜蒸豬肉餅菜飯）

材料有免治豬肉，大頭菜一大塊，學斗同埋紅椒，再加啲葱花


豬肉用生抽，橄欖油，生粉，胡椒粉同埋少少醋醃一粒鐘，蒸前撈埋切粒大頭菜，蒸十五分鐘，加葱花就可以上枱。
煲飯，水滾放切細粒嘅學斗同紅椒煲熟，撈"混“，食得。


記者：好好味咁喎！
鳴門：大家都要食多啲菜，食得菜多好處多，俗語都有話：今天的(X)今天(X)，不要留待到明天。"(X)自己填"
記者：咦，阿伯，點解你屋企好似唔係好凍咁嘅？
鳴門：你都儍嘅，開咗暖爐梗係唔凍啦！

鳴門：我仲有兩個暖水袋陪我瞓，好暖架！

記者：點解有兩個咁多嘅？
鳴門：我啲朋友，就好似蘋果暖流版咁，知我怕凍，就送我暖水袋，從此人生充滿暖意，生活添姿彩。
記者：原來住天水圍都唔係好悲涼啫，你有咩想同讀者講？
鳴門：我要投訴阿姐演唱會無派飛比我，大家都住喺天水圍，我覺得係歧視，你知啦，喺寒風下聽阿姐演唱會。。。perfect match.
記者：咁下次送張李紫昕演唱會飛比你。
鳴門：@&*XZY!#$*&#@#ZZZZZZ

完

Naruto VS Ogake 爛歌金曲鐵定下週二開戰，每次一首，暫定逢週二開戰，敬請留意／投票。
karvitz ,你玩唔玩呀？