Wednesday, January 23, 2008

詹師拉vs尖師拉

先講詹師拉

朋友約我睇"萬千師拉賀台慶“,我有D猶疑。。。

1/上次睇完《香港電視風雲》,發覺自己係容不下對無記的惡意批評,我屋企係較到無亞視架,係無記die hard fans。
2/有D怕詹生個樣,第一次睇佢演出,係電影"絕世好賓“,覺得佢浮誇,諗起阿姨講嘅一句形容詞。。。眼大無神,鼻大吸塵,怕睇佢嘅程度去到見到佢喺電視嘅咇你痛同痕身廣告我會拎"咩"塊面唔睇或熄機,我真係怕"醜"架。

噚日終於睇咗,比我想像好好多。。。
1/鬧無記只佔小篇幅,窒師拉先係主菜
2/坐山頂,見唔到個樣,剩睇身體語言,真係好強喎!意外驚喜係原來大家都係"厠"文他嘅人。


總係覺得佢似哥斯拉,有圖為証


上半場好好笑,但下半場最後兩part突然反高潮,悶到瞓咗!
睇完覺得其實對師拉D專橫,白痴寫得很傳神,諗緊會唔會比D平機會呀,道德兵團投訴時,竟即遇上真人版。。。
......................................................................................................................................
唱談尖師拉

睇完劇,時間尚早,走去尖東NEWAY唱K食K buffet,攞嘢食時,
聽到個侍應話:小姐,你用隻手去攞(扇貝),唔衛生喎!
從聲音方向我望見一個面尖,眼尖(仲要係三角),耳尖而薄嘅師拉用無頼刻薄嘅語氣答:既然你覺得我整污糟,咁我成盤攞走啦。
喺neway,扇貝已經係梢為值價嘅食物;尖師拉你貪成咁,唔認錯,唔認輸,好樣衰囉!(最衰無影相)

有時真係唔知係D人天生刻薄相,先至有刻薄嘅性格,定係因性格刻薄而面相跟住改變呢?如果係,就真係最大懲罰.
如果佢去睇"萬千師拉賀台慶“,會唔會覺得有佢自己嘅影子呢?

2 意見:

Anonymous said...

我對詹先生嘅感覺同你一樣!
好嘢!搵到知音人!

好怕佢對眼咁陰,
個鼻...又真係大咗d,
表情浮誇...都有同感!
可能佢做慣舞台劇啦,
舞台離觀眾遠,乜都要誇張架嘛。

naruto said...

一早係知音啦!我都聽梅姐。
所以坐山頂就反而OK

Related Posts Plugin for WordPress, Blogger...