有個題材想寫好耐，但剿床底功夫繁多，而亦覺得睇呢個blog嘅人年齡較年輕，所以一直擱至；但為慶祝突破四千,的起心肝，寫就寫啦！
"史"詩式巨獻，可能係呢個blog嘅"史"上最艱辛偉大著作，咁艱辛，要分八至十集慢慢DUN出嚟！
床底寶箱之"史"前文具，而家開始。
今日先睇下"擦膠"
個盒大家可能未見過。。。
入面啲擦膠見過啦啩！字母擦膠非常經典，綠色嗰面越擦越污糟最神奇。
話說十九歲嗰年過澳門，（即係舊年）人地賭錢，我走去通街行影吓相，見到間舊到震文具鋪仲有呢隻擦膠賣，同佢連盒一舖掃哂，跟住幾年，分別喺上環／西環都掃到貨。
買嘅時候已經"梅梅"地，一邊係沙膠，一邊係擦膠，我小學嘅時候真係用佢架！
呢舊見幾懷舊，順手執埋
舊到八彩，但細個無擁有過，無咩feel
你地有無用過呢堆擦膠？
攻blog策略：下期講鉛筆刨，你地細個用咩架？
.JPG)
11 意見:
話無都無人信啦！哈哈 ~
我細個用o個款英文字擦膠並唔係你post 呢隻.....
字體唔同，連公仔都唔同。一定有好多個廠做啦。我都keep 左 2 舊擦膠，但無你有一大盒貢犀利啦 :P
明明同你爭幾個 gap，但係我用過字母果隻，當年一定發生過時空錯亂之類非常現象……
之後果 d 就冇見過喇，好似睇緊 Flintstone 呀，哈哈 ~
我細個都有用過/見過 "梅梅"地 沙膠+擦膠呀！
原來我都係19+1歲，真係唔講自己都唔知...
字母膠就係幼稚園時期用，綠色部份除咗越擦越污糟之外，仲好容易甩。
醒渦~一買買晒一盒,而家算係古董黎架啦!!
supageti：我講我實信架！
karvitz：我都記得細個D英文易D，呢個B for Bulldog 架！
wordy: 以前無而家咁年年有新款，我嗰代用到你嗰代都仲係差唔多。
呢D未算Flintstone,嚟緊有D仲誇都有。
black lab:你幼稚園我小學，差唔多啦！你唔提都唔記得綠色嗰part好易甩。
ogake:醒呢樣嘢有樣睇嘅！
你好！我已在很多區尋找這盒擦膠，但很失望，仍找不到。請問可否告知我在上環/西環那兒買到？萬分感激！
我的e-mail: kar_tang@yahoo.com.hk
我也嘗試在西環和上環,找了多間舊式文具鋪,己找不到字母摖膠,你可給我地址,讓我可試下再找,謝謝!
sindy_lun@yahoo.com.hk
呀！！！字母擦膠！呀！！！
睇到我個心 chock 下 chock 下。
除左紅藍雙頭擦之外，其它我都用過呀，最鍾意將擦膠玩切粒粒。
HELLO,你好呀！
我搵咗好耐都搵唔到哩隻擦膠，我好想要佢個實際尺寸做套模型出唻呀，你可唔可以幫我一個忙，幫手度你手上的珍藏嘅尺寸畀我呀﹖(長闊高同埋綠色頂的高度)
好希望你可以幫手，感謝你！
log on有得賣類似字母擦膠，好似樣，唔知係唔係一樣
Post a Comment