康文署管轄嘅公園，好多都唔比狗入，入口會有個icon，通常都係一隻狗加圓圈加一斜，但大家有無注意到原來隻隻狗係唔同樣架呢？
有大狗狼狗金毛約瑟爹利八歌有人拖有狗帶紅底白白底紅彩色黑白卡通嘅應有盡有，而家哂冷比你睇。。。。
最得意我揀左呢三張。。。
1.攝於大圍顯徑，卡娃兒到吖，設計果個應該係愛狗之人
2.攝於北角海旁，呢條banner，出齊四種狗，大中細齊哂，無得博幪話：”個圖唔比大狗入咋嘛，我以為細狗得喎“
3.攝於西九空地，本來無特別，比人痴左隻得得B，成件事即刻正左好多
十一月功課進度甚慢，危呀～
.JPG)
11 意見:
有咁多款架~
狗狗好可憐，邊度都唔去得
好俾心機呀
做咗咁多功課
讚!
我都係最鍾意大圍顯徑果張。
其實狗狗邊度都唔去得，都係因為啲主人衰 ~~~ :(
largeheadboy:
咁都有D公園狗去得嘅，我樓下已經晚晚一群狗啦
卡臣：
好多功課？就係欠交啦
supageti：
D主人點衰呀？比佢喺海港城屙屎扮人？
左下角嗰隻個頭
好似A貨史樂比
咁多唔同款，外判架？
果然做design嘅人唔同d，咁都留意到；平時我行過都無咩留意，因為我行過都係睇下地下有冇狗屎多！XD
唔講真係唔知, 你果然夠細心。只得狗狗,咁貓同其他動物可唔可以入內呢?
其實仲有好多款,我諗個個公園都有D唔同!但係我見過最衰既標誌係一個公屋屋村, 果張其實係banner話條村唔養得狗, 咁果個禁止標誌係一隻張大口既洛威拿! 講到D狗好似隻隻都好恐怖咁! 極度唔鍾意!!!
btw, 我係狗主,其實我地都係想佢地可以去就近既公園行下跑下! 唔使行路邊等佢地食塵者.... 我又唔係話要帶佢去海港城大便, 唔通咁都咁難?!
Anonymous:
果隻我覺得似日本聲控機械狗
l.minor：
我都覺得係唔同人做啦，無統一嘅
我八卦
星若：
我粗心人嚟架；可以帶隻牛入公園行個圈
TY：
係呀，我都見過屋村用D惡狗icon，應該可以用歧視法告佢
係呀，西環D公園都唔比狗入，但我樓下個細公園無皇管，大把狗呀
原來咁多公園唔俾狗狗入架...
咁..."老狗"嗎唔可以朝朝行晨運囉!?
=o=
Post a Comment