馬生的近況

近一個月廁所每逢沖廁後都有一陣臭味,揭開馬生背後嘅水箱,發現缸邊有D啡色油"痴"住,試過隊個鮑魚刷刷過,但始終刷唔到D細位,試過藍泡泡,試過漂白水,試過gif,但都仲係臭.....

覺得跟本係D水有問題,搵管理處嚟睇,又竟然得我一戶投訴;佢地上嚟睇,話大廈套濾水設備好得架喎,本身已經有藍色消毒水,唔使再用藍泡泡喎;反而用左藍泡泡有機會殘留物質令到起漬喎!

我問關唔關打風事?因為時間上係上次打完風,之後就臭啦...咁,佢地話可以做嘅係叫每月嚟維修嘅人員檢查下,另外通知水務署(廁所水都係水務署?)有呢個問題喎

第二日我落樓,管理員阿姐通知水務署已經抽左海水去檢驗,另外教我關左水制,將個水箱重新大清洗...

拎枝牙檫係咁擦,擦走哂D啡油,再浸漂白水一晚,今日"好似"真係無味,希望真係攪掂啦!

想問:你地其實有無洗水箱架,我住天水圍咁耐真係無洗過架喎~