橋咀島最大賣點就係條小石路，水退時行得過，離遠睇，好似可以喺海面行咁
西貢碼頭出發，餐廳對出有街渡載你去，來回廿蚊位；行駛途中，見個師奶開遮，心諗：怕曬就唔好嚟呢D山荒野嶺嘅地方啦!
落船，行經沙灘，成班擔遮黨，有個仲吹到遮都反埋都仲要擔，咩野心理呢？
有個肥阿嬸見我影相，大嗌：你睇下，釣到咁大隻墨魚喎！
我走埋去，問：影張相得唔得；
佢：得，不過請我飲礶芬達吖
又好。。。
影影影，影完；去買芬達
佢又話：買兩礶吖！
心諗：死貪心
跟佢指示嘅屋仔買芬達，點知原來係無汽水賣架，番去同佢講，佢竟然話：你比廿蚊我出西貢買啦!
我心諗：是旦啦，比左廿蚊佢
佢又話：比隻墨魚你吖
我話唔要啦；但轉頭心諗：放生都好喎！問佢係咪真係比我先，佢又話：要比錢!
唉!啋你都儍，墨魚我救你唔到呀!劇肥野好貪心呀～
記得落船時，船家話：而家水退，可以行過去，建議行埋個山仔，來回粒半鐘左右，收到；（我好聽話架，照做～）
過淺石路啦，見到呢度出名嘅億年(唔係姓林架）化石，成個菠蘿包咁架，仲有珊瑚㖭！
跨過小山坡，見到小燈塔加夕陽(雖然四點幾，都OK喎），超靚景呀!
頭尾用左一個鐘多D來回呢個山坡，番去淺石路時，竟然。。。。SHIT,有一半路無左呀
船家話最後一班船係5:00pm，仲有35分鐘，除鞋行啦；哇!D細石好“銀”，似行石春路，有D呢又有蠔縠，好明顯有幾野𠝹到啦
我平衡力一向都差，最尾果段水脹得快，過埋小腿，D浪冚過嚟仲會濺濕褲，又要顧住唔跌，因為一跌，相機會玩完，但有幾野真係差D仆；結果行左漫長嘅廿幾分鐘
到西貢落船時，聽到船家同搭客講：而家條路冚左少少，好靚架。。。心諗：又話5:00pm最後，仲接客，真係呃鬼食豆腐
番到屋企，發覺腳底花哂，指公損埋，好彩唔係太深！
又諗：唔行過去，又唔會影到個絕世靚景，早去到又無夕陽啫；如果再去要帶拖鞋穩陣!
預告：相簿聽日出
.JPG)
9 意見:
橋咀島我廿年前去過，不過已經無乜印象。
咩而定D陌生人o甘等錢洗﹖同埋有D人o既字典﹐分唔出個俾字同個賣字o既呢﹖
哇﹐你差D濕身﹐真係幾驚險﹗
映到靚相亦叫值得﹗
哈哈！好慘呀！不過我係笑住咁講！
人地日本仔會出埋每日潮水漲退時刻，咁就唔會出事喇~ :p
20蚊影相事件<--乜啲人咁貪心架?要識得分享嘛
supageti:
咁要去下行石春路啦，勁過公園D好多架
best actor：
香港而家係好多怪人架
見到靚景，真係心曠神怡架，抵番啦
largeheadboy：
衰公
佢都有個牌，寫住橫瀾島脹退嘅，但無睇啫，因為信船家嘛
卡臣：
其實佢反而一開口話賣墨魚，我反而會啋佢。。。我估
乜而家D人真係貪心到咁?! @_@
果張燈塔+夕陽好靚.. 等睇你聽日D相!
嘩～
阿肥嬸攪咩？屈錢黨呀！即刻係咁隔離掟石仔呀，嘈住佢都釣唔到魚呀，墨魚呀！
另外，我都覺得d船家好挍滑架！特別坐定定賣飛仔果d，事緣上年去三星灣釣魚，問坐係度個阿婆買飛，佢收我$15一個（其實上船俾錢只收$10），跟住問佢最遲要幾點走，佢話６點要走啦，重邊有船呀！又冇人．．．（但個船家同我講最遲係九點半囉）
鮎魚走後第二日我都有出動喎, 不過係"輕可" o野...
我覺得隻墨魚係肥嬸帶去橋咀島搵食嘅. 成件事係一個局 --> 先呃你埋去睇, 跟住呃你去買汽水(其實佢知果度一定無芬達賣), 最後呃埋你$20...如是者一日呃幾個都幾好搵o架~
TY:
今晚張燈塔+夕陽，仲靚呀：）
l.minor：
佢無再釣魚啦喎
三星灣？喺邊架？
有時覺得D阿婆都係搵兩餐，唔同佢地計啦
ayclui：
佢走時同我同船，唔覺佢有拎住墨魚喎，真係。。。
你又去下吖，睇下有無人嗌你影墨魚，呵呵
Post a Comment