Saturday, October 2, 2010

我最喜愛的餐廳﹣2

上一篇已經係六月,證明我其實喜愛餐廳無乜幾間,今日呢間,個個都去過。。。鼎泰豐


之前寫過,因為老豆麵粉廠打工,自細食粉食到識分麵粉好壞同部份品種,而鼎泰豐嘅粉就係佢間廠提供,所以以前黃埔紅墈時期佢會叫我去做無間道試味,有一次佢地轉左第二隻粉,但老豆無通知我;到我食到通知番老豆,話隻粉削左,粗左粒;佢先真係信我條脷咋!

好,入正題。。。
1.香干馬蘭頭,切得好碎,好好味。2,原味水晶肉,點醋食,多多都清哂。3,我至愛嘅小籠包,而家嘅粉同台灣係同一隻,味道拉近左。4.牛汁湯麵,我比滿分,老豆話同佢喺台灣讀大學時食嘅一樣味,佢每次都點,係佢嘅童年味道。5.紅油抄手,醒胃。6,葱蛋炒飯,唔多油,主食之選。7,油豆腐粉絲湯。。。肥佬;黃埔店時期我至愛,用豬肉放湯,加D咸菜粒,麻油,今次銅鑼灣店食,竟然暗藏蝦米味,但表面又點搵都搵唔到,激氣,從此世上又少樣美食;唯有試下自己煮!


銅鑼灣店店面夠大,又多細枱;唔使好似尖咀店搭枱搭枱再搭枱,等侯時間唔長,所以而家個個月嚟

第三間最喜愛的餐廳會趕快寫埋佢

9 意見:

largeheadboy said...

銅鑼灣店真係造福萬民,七點幾去到可以即刻有位,好鐘意!

maymay said...

老鼎都係我至愛,銅鑼灣店我未去過,尖咀店就上菜奇快,唔坐得耐,並非吹水聖地。

卡臣 said...

尖沙咀店服務唔錯呀

ayclui said...

我懶, 淨係落去金X庭...

Ellen老師 said...

我喜歡鼎泰豐台北店!

naruto said...

largeheadboy:
係,好多細枱,正

maymay:
銅鑼好D,雖然都唔係吹水地

卡臣:
服務兩邊都好

ayclui:
雅芳庭我就識

Ellen老師:
唉!咁無得成日去嘛

supageti said...

你就好啦,我暫時仲未搵到一間可以叫做喜愛既餐廳 ~~~

Artman said...

雅芳庭我唔識, 雅芳婷我就識

naruto said...

supageti:
你要求高呀!

Artman:
醒喎

Related Posts Plugin for WordPress, Blogger...