講下我姑姐

如果係長期讀者應該記得我有個前政府高官姑長同前名校副校長姑姐（30個字都無標點，破左呢個blog紀錄），佢地笑料一籮籮；最近因為海港城屙茄事件，令到我番老爸屋企食飯時講番起D舊事。。。


話說表弟唔知兩歲定三歲嘅時候，去左麥當當開生日會，因為姑長家教甚嚴，好少咁熱鬧好玩下，表弟急尿都唔去廁所，結果忍無可忍時先出聲，一出聲已經嚟料，趕唔切行去廁所。。。

而表弟由本來開心生日會變左俾人鬧到趴街生日會嘅趣事就流傳至今啦(31個字，現破紀錄）


問題嚟啦(係呀，今日其實係問答題），姑姐隨手咁攞起樣野，載住比表弟屙尿，你估佢攞左樣乜野呢？

聽日開估