科學園／平台期

先講科學園，中秋節翌日，想影下相，見“好似”有太陽，決定去科學園行個圈；中秋節嘅電視節目介紹佢有展覽睇，好多野玩咁，上網查到話展覽只係星期六，日假期有得睇，即仆倒去。

去到天開始陰，落出雨；睇展覽啦；招待處D姐姐好似悶到想瞓咁，原來無人嚟，佢介紹先睇一套介紹科學園嘅片，片長20分鐘，間房好大，我同朋友好似包廳咁，但套片好悶。。。

跟住睇展覽，真係得D dummy介紹光纖同LED，仲要分幾個靚女分開“唸書”介紹，每人介紹三分鐘；我地開始無聊。。。
朋友：係咪好少人嚟？
女招待：係呀
朋友：其實今日係咪得我地兩個呀
女招待：咁都有其他人嘅
我：厠所喺邊呀？
女招待：前面轉左

呢D工我想做喎

跟住發覺。。。展覽已經睇完；咦！電視介紹果D呢？原來喺第二座building，但只開星期一至五；
妖～玩野咩，呢隻展覽就要一至五，果隻展覽就六日假期，咩野安排嚟架？

跟住影相，真係可以用乜都影唔到嚟形容，悲哀


﹣﹣﹣﹣﹣﹣﹣﹣
平台期

想講，原來除左減肥有平台期，影相都有；

白泥之後，環保園，銅鑼灣炮台，西九，灣仔金紫荊，南生圍。。。幾次都影堆垃圾番嚟；今次去左科學園，一去就陰天；直頭唔知自己做乜。。。

越影越亂，最後決定影黑白；得呢幾張。。。

竹林。。。彩色就無料到，黑白就有番D feel


路。。。真係無人架


蒲公英的約定。。。最鍾意得呢張


香港真係影得七七八八，我想去旅行